Иисус аӷарра аҵыхәтәа ԥиҵәоит

Иисус адгьыл аҿы даныҟаз, ауаа даараӡа бзиа ишибоз ааирԥшит, еиҳарак иӷарыз, агәаҟрақәа идырааԥсахьаз ауаа (Матфеи 9:36). Иара ауаа иԥсгьы рыхҭниҵеит (Матфеи 20:28; Иоанн 15:13). Иаарласны иҵегь ишьақәирӷәӷәоит ауаа бзиа ишибо. Иара Анцәа Иаҳра иахагылоу Аҳ иеиԥш имоу амчра ихы иархәаны адгьыл зегь аҿы аӷарра аҵыхәтәа ԥиҵәоит.

Шәахәаԥш Иисус иҟаиҵо иазкны апоезиа бызшәала Абиблиа иаҳәо:

• «Ихьчалааит иара анхаҩ рыцҳацәа, еиқәирхааит иӷару иԥацәа, амцҳәаҩцәа рҵыхәтәа ԥиҵәааит» (Аԥсалом 72:4).

Ишԥаҳалшо Иисус иаҳзыҟаиҵахьо, насгьы иҵегь иаҳзыҟаиҵараны иҟоу ахә шаҳшьо ааҳарԥшыр? Иаҳҳәап, ҳара иҳалшоит иара ииҳәоз «Анцәа Иаҳра иазку ажәабжь бзиа» еиҳа еиӷьны еилаҳкаар (Лука 4:43). Шәаԥхьа астатиа «Что такое Царство Бога?»