Сзызиҳәалар сылшозеи Анцәа?

Абиблиа иану

Шәара иаашәҭаху зегь азы Анцәа шәиҳәалар шәылшоит, уи Абиблиа иану Анцәа игәҭакы иаҿамгылозар. «Анцәа ҳаниҳәо, иаҳҳәо зегь [иаҳауеит], иаҳҳәо игәы иақәшәозар» (1 Иоанн 5:14). Ишәылшома хаҭала шәара шәгәы иҵхо акы азы шәиҳәалар? Ааи. Абиблиа иануп: «Шәгәы иҭоу зегь аартны иашәҳәала» (Аԥсалом 62:8).

Анцәа ҳзызиҳәалар ҳалшо

• Ҳхаҵара иазирҳарц (Лука 17:5).

• Иԥшьоу адоуҳа, ма Анцәа имч, ҳаиҭарц азы. Уи ииашаны ахымҩаԥгара иҳацхраауеит (Лука 11:13).

• Ауадаҩрақәа ҳхаҳгарц, насгьы ҳхызхуа ҳаҿагыларц азы амч ҳаиҭарц (Филиппаа 4:13).

• Агәҭынчра ҳаиҭарц (Филиппаа 4:6, 7).

• Ииашоу аӡбарақәа рыдкыларазы аҟәышра ҳаиҭарц (Иаков 1:5).

• Есыҽны зда ԥсыхәа ҳамам ҳаиҭаларц (Матфеи 6:11).

• Ҳагәнаҳақәа ҳанаижьларц (Матфеи 6:12).