АУРОК 2

Абжьааԥны еиԥш уцәажәала

2 Коринфаа рахь 2:17

ИҞАҴАТӘУ Гәаартыла, абжьааԥны ушцәажәо еиԥш уцәажәала, узлацәажәо атемеи иузыӡырҩуа ауааи ушырзыҟоу ааурԥшырц азы.

УИ ШЫҞАҴАТӘУ

Анцәа уиҳәаны ибзианы уҽазыҟаҵа. Уиҳәала Анцәа ухы акәымкәа, иуҳәо ажәабжь азхәыцра дуцхраарц азы. Иуҳәарц иуҭаху еилыкка иудыруазар ауп. Ухатә ажәақәа рыла уцәажәала, апубликациақәа ирну ҿырҳәала иҵаны акәымкәа.

Абиблиа, ма даҽа публикациак аҟынтә акы уаԥхьарц уҭахызар, заа уҽазыҟаҵа, ибзианы уаԥхьарц азы. Уа ауаа ражәақәа аагазар, ацәаныррақәа аҵаҵаны уаԥхьа, аха иахумырҟьацәан.
Гәыкала уцәажәала. Уазхәыц узацәажәо иуҳәо раҳар зрыхәҭоу. Дара урызхәыцла. Усҟан угылашьеи, ухаҿсахьеи, ухымҩаԥгашьеи аԥхарра рныԥшлоит.

Абжьааԥны еиԥш ацәажәара иаанагаӡом патуқәҵарада ахымҩаԥгара. Уажәабжь аҳаҭыр лаумырҟәырц азы ухы иархәала ииашоу ажәақәа, насгьы агхақәа ҟаумҵалан.
Иузыӡырҩуа урыхәаԥшла. Шәҭыԥ аҿы ус иаԥызар, аӡырҩцәа рлакҭа уҭаԥшла. Ажәахә уманы уқәгылозар, зегь зныкала рыхәаԥшра аҭыԥан, еиӷьуп зны аӡәы илакҭа уҭаԥшыр, нас даҽаӡәы.