АБИБЛИАТӘ ЗҴААРАҚӘА РҬАК

Изыҟалома аӷарра ахьыҟам адунеи?

Аӷарра иаанаго азхарамфареи ачымазарақәеи ирыхҟьаны, есышықәса миллионҩыла ауаа ԥсуеит. Тәылақәак шышәҭыкакаҷуагьы, адунеи аиҳарак аӷарра ахыҵәаны иҟоуп. Абиблиа аҟынтә иубарҭоуп аӷарра ауаатәыҩса еснагь уадаҩраны ишрымаз. (Шәаԥхьа Иоанн 12:8.)

Аӷарра ақәгаразы, ауаа ирҭахуп Адгьыл аресурсқәа ииашаны еихызшо адунеизегьтәи анапхгара. Уи анапхгара аӷарра амзыз хада — аибашьра — аҵыхәтәа ԥнаҵәароуп. Анцәа ҳақәиргәыӷуеит убри аҩыза анапхгара шышьақәиргыло. (Шәаԥхьа Даниил 2:44.)

Иԥызҵәода аӷарра аҵыхәтәа?

Анцәа иара Иԥа Иисус Христос далихит, ауаатәыҩса напхгара рзиуларц азы (Ԥсалом 2:4—8). Иисус иӷару ауаа дрыцхраауеит, насгьы иқәигоит ақәымчра. (Шәаԥхьа Ԥсалом 72:8, 12—14.)

«Аҭынчра Аҭауад» иаҳасабала, Иисус адгьыл аҿы аҭынчреи ашәарҭадареи шьақәиргылоит. Усҟан зегьы ироуеит рхатәы ҩны, аинтерес зҵоу аусура, иара убас меигӡарахда афатә. (Шәаԥхьа Исаиа 9:6, 7; 65:21—23.)