A Jizọs Agheel Ẹpe K’ạke

A Jizọs r’ạbumatuan phọ ọdi uukpomhoghan ni ẹpe Gạlili. Kụ ọdi ạngo bịdi oḍighi dị ạmhan mạar iboom. Ọdi ạḅenhi bịdi mọ: ‘Ịki reelhe oomo aḅirinhi phọ eḍighi we bụmatuan ạmhi. Ịtughemhi bịdi rạraar phọ mị ịtughemhi bọ inyinha, ẹḅilhe eḍiinye bịdi mụum.’ Ọdi ạḅilhe aguanhaan bịdi mọ: ‘Kébulha mọ mị odianhaan ni r’anyinha oomo amem.’

Oḅeton bọ Jizọs, ọdi ạrol sịen ade phọ inya dị aḍughul otu. Mem mọ ạmuphe phọ, ọdi amitenhaan ni ịbadi ạbumatuan phọ ọdi ẹpe Gạlili ra Jeruselem. Ọdi ạtughemhi ni bịdi rạraar dị ẹmhan mạar kụ ạḅilhe aḍighi yogh ịbadi ịiḍaany. A Jizọs r’abutelhedom mọ ọdi ụḅilhe ni ookpomhoghan sịphe Ẹeḅaraph phọ Olivs. Ẹpe Jeruselem, ọdi mạḅenhi ni bịdi mọ: ‘Kẹ́ḍua Jeruselem. Ịtol ekori ịyaar phọ Ọde phọ iguanhaan bọ inyinha.’

Kụolo bịdi ụ́naghanhan ịyaar phọ ọdi ạḅem bọ. Esi ịduon phọ, sịen bịdi ookpomhoghan bọ Ẹeḅaraph phọ Olivs, bịdi upuru nyọdi mọ: ‘Ạnyiidipho kụ ẹdi nạ kaḍighi bọ Uwo ẹmha phọ Izrẹl ḍụghum?’ Kụ a Jizọs ạḅenhi bịdi mọ: ‘Kẹ́teeny mem dị a Jehova rạwa mọ mị uḍighi Uwo ẹmha. Mọony amem uwaloor iigbia phọ kịngo ni inyinha ịikpo, kụ nyinha keḍighi bụgbaanhaan ạmhi. Ịki Jeruselem, Judia, Sạmeria, r’oomo areelhe aḅirinhi phọ egbeelhom iiḅi ịinhaghan phọ.’

Ọdi rọghaaph ịpe phọ kụ ọsighe Jizọs ogheelhom k’ạke, kụ ọotu phọ aakpereghiom nyọdi. Abutelhedom mọ ọdi ụghiom ni ghisigh ophogh ghan ẹpe k’ạke phọ, kụolo ụ́miin mụn nyọdi.

Abutelhedom mọ ọdi ụḍua ni sịphe Ẹeḅaraph phọ Olivs oḅula Jeruselem. Bịdi ugbor ghan ni ookpomhoghan oniin otu ạnyu ẹpe Jeruselem kụ ọoḅereghi ghan. Bịdi ukori ghan ni dị a Jizọs kạḅilhe ạngo bịdi ịnhon iromhoghiom.