Ọghaaph Ookaragh Ẹkpigh Phọ 14

Ạbuḅel ạKristen phọ ụghi ni rikpisi dị ẹkel ọghaaph iiḅi ịinhaghan ịlo Ọmhar phọ. A Jizọs ạḅenhi ni bịdi rikpisi ọghi ọghaaph iiḅi ịinhaghan phọ, kụ ạḅilhe ạngo bịdi ịikpo ọḅa ạkirokiro ạrunhu, pịdi bịdi otue ọtughemhi we phọ. A Jehova ạngo ni bịdi ạkpo oḅio r’ịikpo ọkpar opu ịgbagara isophoghom.

A Jizọs aḍighi ni ịdi otelhedom mọ Jọn ạmhiin eghuan phọ a Jehova esi uḍien. Dị eego esi uḍien phọ kẹn, a Jọn ạmhiin ni Ọmhar phọ Ẹnhaan dị mạkpar apu Setạn, kụ asiemhi eekunha ịtooghi phọ ọdi. Sịphe uḍien phọ, a Jọn ạmhiin dị a Jizọs maḍighi Uwo ẹmha, kụ 144,000 awe rọtooghi r’ọdi. A Jọn ạḅilhe kẹn ni ạmhiin dị ade phọ meḍighi pạrạdạịs, kụ tọrobo oye rạaḅereghi a Jehova de dị ẹepho r’ọḅoph ọnhu edi.