Ọghaaph Ookaragh Ẹkpigh Phọ 7

Ẹkpigh phọ ẹphen phọ ẹkaaph ịlo Uwo Ẹmha phọ Sọl ra Devid. Ịtooghi ịyal phọ ạbidi rẹki ni ọmhan 80 ạsia. Ẹḅel amem mọ, ạ Sọl asooromhi ni loor ạḅilhe aghiilhaan ghan Ẹnhaan. Kụolo ẹsighe rẹki bịn amhiigh oghel ịiḅakiom a Jehova. A Jehova aghel li nyọdi kụ arom Sạmụẹl ọghi ọsagharan a Devid elo dị kaḍighi ọnhon uwo ẹmha Izrẹl. Loor esi ophin olhoghi, ạ Sọl ạwa ghan ni oghiigh a Devid kụolo a Devid óḅulhemian Sọl. Ọony ạ Sọl dị oghol mọ Jonạtạn alhegheri ni mọ a Jehova kụ ạsaḅar Devid. Esi ịduon phọ, ọdi ạḅar ri Devid. Ghạlhamo r’ịduon a Devid ạpioman ghan bọ ni eeni amem, ọdi ạsighe ghan ni mạliom mọ a Jehova. Eḍighi mạar dị nạ aḍighi ọde ọbobo onhiin, pọ lọghonhaan ịbam ạnmuny phọ ạna ọmhiin ịyaar phọ eḍighi bọ kụ ẹmhan bọ mạar ọnhaghanhan ghan a Jehova r’ọḅar ạbuphe a Jehova mạma bọ dị kuḍiemhiom ghan iyira.