Ọghaaph Ookaragh Ẹkpigh Phọ 8
A Jehova ạsephom ni Sọlọmọn oboom ọsu olhoghi kụ ạḅilhe ạngo nyọdi eepoogh ọlhogh otu ịiḅereghi phọ. Kụolo ẹnum ẹnum ạ Sọlọmọn ạwilhe ni a Jehova. Eḍighi mạar dị nạ aḍighi ọde ọbobo onhiin, lọghonhaan ḍịghaagh ịbam ạnmuny phọ ạna ọmhiin ịdi awe dị ụ́uḅereghi ghan a Jehova oḍighi ịdi ạ Sọlọmọn ạwilhe a Jehova. Ịpe phọ iḍighi ịdi eelhe phọ edia, kụ ịkaraph aruwo ẹmha oḍighi ịdi awe phọ ụ́uḅereghi mụn a Jehova. Mem mọ ạmuphe phọ, ụgbiphoghom ni ọḅilhe ọze ịbadi ariil a Jehova. Ukuenhi ạnhir phọ Jẹzịbẹl aḍighi ni ịdi aḍioph phọ arughunhughun phọ Izrẹl oḍiiny ịiḅereghi ịkaanheen ạrumhugh, bịn ọwilhe a Jehova. Ạraraar ịkar kụ ẹlhoghori ẹpe Izrẹl. Kụolo ịbadi awe ụrol li dị ọoḅereghi a Jehova, abuniin ạbuen phọ pọ Uwo Ẹmha phọ Jehosạfạt r’oyil phọ Ẹlạịjạ.