Ọghaaph Ookaragh Ẹkpigh Phọ 12
A Jizọs ạtughemhi ghan we ịlo ọmhar phọ Ẹnhaan. Ọdi ạḅilhe ni ạtughemhi we mọ ọoḅereghi ghan mọ ọḅaalhamhi ḍien phọ Ẹnhaan, mọ ọmhar phọ Ẹnhaan aru ḅịlhe mọ ogbi Ẹnhaan kụ amite sịen ade phọ. Bụrude r’aburunhiin, ịtughemhi ịbam ạnmuny phọ anyinha ịyaar dị ịiḅereghi phọ ịpe phọ rẹma ghan. A Jizọs ómheera mọ a Setạn aḍighi ịdi ọdi kạ́aḅereghi mụn a Jehova. Ọdi ạsaḅar butelhedom kụ ạngo bịdi kịrokiro ọdo iiḍighi dị egbolhomaam Ọmhar phọ. Lọgh elhegh oophugh phọ a Jizọs ạlhogh bọ ọmheremhi igey iiseeny. A Jizọs ạwa ghan ni ọlhoghonhaan awe ḍịghaagh, kụ iḍighi kụ ọdi aakonhom ni we dị úmoon, ạngo eḍien we dị ọkoony rasiph, kụ ạḅilhe aḅerion we dị omhuughu. A Jizọs aḍighi aḍeenhaan rạraar dị Ọmhar phọ Ẹnhaan kaḍighinhaan we.