Ọghaaph Ookaragh Ẹkpigh Phọ 13

A Jizọs aru sịen ade phọ ọsighe aghuḍum ọdi ọphighironhom ẹkia ọngo ọmhar awe phọ úmunhughan bọ. Ghạlhamo r’ịduon ọdi amhugh bọ ni, ọdi ạkpar ri apu aḅirinhi phọ, loor esi dị ọdi ạḅar ri a Jehova tụtu amhugh bọ. Kụ a Jehova ạḅar kẹn ni Ọony phọ ọdi, kụ aḅeton nyọdi ạngo ghuḍum. Oomo aghuḍum mọ a Jizọs, ọdi asooromhi ni loor akumu ghan bụnhon kụ ạḅilhe ạsar ghan ạwilhenhaan bịdi mem dị ọpioman. Oḅeton bọ Jizọs esi aḍuugh phọ, ọdi amitenhaan ni butelhedom mọ ọdi, kụ ạtughemhi bịdi ịlo oḍighi oḍighi phọ ọdi ạngo bọ bịdi. Bụrude r’aburunhiin, ịloghonhaan ḍịghaagh ịbam ạnmuny phọ anyinha olhegheri mọ bịdi ọmoogh aani ni ịyaar oḍighi sịen oḍighi phọ ọphon phọ, r’ọḅilhe ọmhaghamhi ịyaar oḍighi phọ.