Ilọ Oḍighinhom Aḍinyạ phọ Aḍiẹn phọ

Siẹn aḍinyạ phọ aḍiẹn phọ, nạ kamiịn ghan ni esi aBaibul elọ aḍio phọ ḅilhẹ r’ekpịgh otu okoriom mọ eghaạph bọ ilọ esi phọ. Nạ katue ni abạl torobọ amem siphẹ aḍio phọ, kuolọ ibadị omiịn mọ aạl ghan aḍiroọr kụ inhighenhaạn bidị. Loor esi dị reloghonhaạn ghan bidị ḍighaạgh ogbiran ipẹ bidị maạl bọ oomo aḍio phọ. Amem dị ooḅeghiọn ibạl aḍiroọr phọ idiphọ eghunotu kụ edị rokạr ghan komhooghọm suọ. Arughunotu aBetẹl oomo esiẹn aḅirinhi phọ r’ooḅeghiọn ghan mem dị bidị role eḍien aḍiroọr.

Igẹ phọ usighẹ siphẹ Otu Okoriom (w) April 2020 kụ esi March 2021. Ikpo igẹ phọ edaphạn bọ lhạ phọ r’unwanyụ phọ omiteom bọ Otu Okoriom mọ remạ ghan ipoḍi phọ, kụ ipẹ edi bọ eekunha phọ remạ ghan siikpịgh phọ. (Miịn eḍeenhaan phọ edi bọ ude.) Nạ katue ni abạl oomo emhuoghaạph otu okoriom mọ omhiịn iinhaghạn dị epu siphẹ.