Eeghe Kụ Egey Ephomhoghiạn?

AJihova aphighi pinien dị kaḍighi ogọ amuuḅọph dị katọl ghan bịn igbo  olom r’anhịr. (Ge 2:​22-24) Olhe emhạ bịn kụ oginha iyaạr dị kotue otuạn oseere anhịr obobọ anhịr katuạn aḅạm ikpoki. (Mal 2:16; Mat 19:9) Eḍighi bọ edị aJihova rawạ bọ mọ apinien aḍighi iyaạr oḅaạl olhoghi, odị mamiteom sinhị iilhogh dị keloghonhaạn ḍighaạgh onyọ aKristẹn osighẹ osụ-olhoghi kụ owaạm oye lọ r’odị k’obalhạn, kụ apinien phọ aḍighi olọ oḅaạl olhoghi.​—⁠Ec 5:​4-6.

POGH VIDIO PHỌ OGHOL BỌ MỌ: WHAT IS TRUE LOVE?, OLHOGHI OTU ANẠ, KỤ APHAYANHAẠN SIPURU PHỌ EDAPHẠN BỌ SIẸN:

• 

  Uḍighi ika kụ oromha phọ aFrank r’aBonnie ongọ bọ onyanhị phọ abidị, Liz, aḍighi bọ olọ osụ-olhoghi ḅilhẹ r’olọ ephomhoghiạn?

• Uḍighi ika kụ i/ḍighi bọ osụ-olhoghi ootughiạn mọ nạ katue ni anme oye dị nạ aguan pinien?

• Oghẹn oromha osụ-olhoghi kụ edị aPaul r’aPriscilla ongọ Liz?

• 

  Uḍighi ika kụ iiḅaghamhị emite bọ pinien aZak r’aMegan?

• 

  Ighẹn asiigbu ilọ arukumuan Enaạn kụ edị aJohn r’aLiz omhoọgh?

• Uḍighi ika kụ ewạ bọ ni mọ legheri ‘enhighẹ oye phọ nyepẹ ro/miịn ghan bọ ekpeḍien’ kụ agbi oghiran iyọ apinien r’oye phọ opọ phọ? (1Pit 3:⁠4)

• Eeghe kụ egey ephomhoghiạn? (1Kọr 13:​4-8)