Ilọ Osighẹ Asitrạkt Omhiighom Araghaạph

Emhiigh January 2018, oḅẹl opoḍi Aḍinyạ Ituughạ Adọl Aghuḍum r’Oghaạph Ilọ Omhạr Phọ rapạm ghan ni reḍeenhaan ilọ oghaạph. Kụ muroma ni iyira mọ ogbon oghaaphạn ghan awe, kparipẹ rongooghị ghan arinyạ. Kụ ologhonhaạn aḍighaạgh bukaaphọm onighemhị eten oghaạph phọ abidị, asividio areḍeenhaan ilọ oghaạph phọ reḍeenhaan ghan ilọ osighẹ aBaibul phọ bịn kụ oḍighinom. Iduọn phọ pọ, ko/ḍighinom ghan mun rinyạ mem oḍuạ otu ogbạ otu ḍughụm? Eye! Esi omaạm, kotue ni osighẹ trạkt omiighom raghaạph. Yira kotue ni oḍighinom sitrạkt phọ eten phọ ephẹn:

1. Puru ḍiḅẹl aḍipuru phọ edi bọ oḅẹl opoḍi phọ.

2. Ḍeenhaan ophagharanhaạn aBaibul phọ odi bọ anyụ opoḍi phọ iyạl. Mọ amem edi, kụ aạl eḅilhẹ eeḅeghiọn raraạr phọ edi bọ pạ opoḍi phọ.

3. Ngọ trạkt phọ uwotu phọ, kụ aḅenhị mọ odị aạl riisi phọ ipẹ esugha bọ mem dị odị amoọgh eepoogh.

4. Kụ nạ agbi oḍuạ, ḍeenhaan ni ḍipuru “Iyaạr Ootughiạn” phọ, kụ aguan oḅilhẹ oḅula ooḅeghiọn ophagharanhaạn aBaibul phọ.

Nạ aḅula, iiḅeghiọn ophagharanhaạn phọ, kụ aḅilhẹ apuru ḍipuru ooḅeghiọn enhọn amem. Nạ atue ni apuru ḍipuru dị edi pạ awebsite phọ ayira obobọ ḍidị edi pạ aḍinyạ phọ omạ bọ siphẹ atrạkt phọ. Mem lọ ekasiạn, kụ angọ Good News From God! broso phọ obobọ ḍinhọn aḍinyạ otughemhiọm pạ Igbe Itughemhị Phọ.