Gbeelhom Iiḅi Iinhaghạn Phọ Mọ Omạ Aḅirinhi Matumhan!

Unwanyụ aNovember, yira kolọgh ni ikuph dị egbatanhaạn ogbeelhom iiḅi iinhaghạn phọ mọ omạ aḅirinhi matuman siẹn. (Ps 37:10, 11; Ogan 21:3-5) Ḍighi ni ilọ nạ katue ophinhom aani amuboom abin. Eḍighi maạr dị nạ ageeghị ilọ okọy eten ekulha amem unwanyụ phọ opọ phọ, nạ atue ni asopha ongọ 30- obobọ 50-awạ.

Kookolhobian oḅenhị aani awe lọ nạ katue ateẹny esi aBaibul dị eghaạph ilọ omhoom aḅirinhi phọ. Tuutughiạn ni esi aBaibul dị keḍạ ḍiḅeeraạn awe ekool phọ anyinha kụ aselẹ. Eḍighi maạr dị oye aḍeenhaan ḍiḅeeraạn eḅẹl amem mọ, ngọ The Watchtower No. 2 2021 opọ erugh phọ. Lọ edugh ni, miịn mọ nạ anuụn ni aḅilhẹ ateẹny oye phọ aḅilhẹ akparaghạ osighẹ abrosọ phọ Kelhọm Ghuḍum K’agee-pọ! omhiigh otughemhiọm aBaibul. P’eeghe ibo dị retọl ghan ophinhom aani amuboom abin ogbeelhom “iiḅi iinhaghạn iyaạr dị enhighẹ epelheghiom!—Isa 52:7.

IPOGH SUỌR ABROKASTỊN PHỌ OMHOOM AḄIRINHI PHỌ R’ATU BỌ, KỤ EPHANYANHAẠN SIPURU PHỌ EDAPHẠN BỌ SIẸN:

• Eeghe imạ aghisigh kụ edị obạm onyanhị phọ ragbiom ghan olhoghi?

• Ighẹn iniin araraạr dị ketọl siphẹ omhoom aḅirinhi phọ kụ edị nạ ragon?

• Ika kụ idị ogbiran ghan ilọ oḍuom olhoghi phọ anạ kelhoghonhaạn nyinhạ ḍighaạgh ophinhom aani amuboom abin oḍighi igbeelhom mọ unwanyụ aNovember?—Luk 6:45