Sighẹ Kelhọm Ghuḍum K’agee-pọ! Phọ Aaneghiọm Omheeraam Esi AZihova r’AZizọs

Ewạ dị buphẹ yira rotughemhị ghan bọ Baibul phọ komoọgh omheeraam dị akpạr orue oḍighi idị eḅeraạn Enhaạn. (Hib 11:6) Yira kotue ni osighẹ Kelhọm Ghuḍum K’agee-pọ! phọ oteenyọm rokpom abidị. Aḍinyạ phọ aḍiẹn phọ epamanhạm ikpanhạ ariisi aBaibul, riphigh dị eegholaan, sipuru dị emhoon, sividio dị ketir ekpom r’imạ idoronheẹn. Mem dị yira olhoghonhaạn ḍighaạgh buphẹ yira rotughemhị ghan bọ omhoọgh imạ araagharạ r’igey asiya r’Enhaạn, pọ yira osighẹ raraạr dị aniạn ke/tue ele kụ ropighiom bidị.—1Kọr 3:12-15.

Ekparanhaạn ni buniin awe omheeraam mọ bidị kotue ni oḍighi oyaghirị Enhaạn phọ bidị ko/tue bọ omiịn. Esi iduọn phọ, ewạ mọ olhoghonhaạn bidị ḍighaạgh omhoọgh omheeraam esi araagharạ ephomhoghiạn phọ aZihova.

IPOGH VIDIO PHỌ SIGHẸ “KELHỌM GHUḌUM K’AGEE-PỌ!” PHỌ AANEGHIỌM OMHEERAAM ESI AZIHOVA, KỤ EPHANYANHAẠN SIPURU PHỌ EDAPHẠN BỌ SIẸN:

• Yira ulhegheri ika mọ onyọ umaranhi phọ aakolhobian ni agey ilọ ituughạ phọ?

• Ika kụ idị odị amiteom iyạl ikpo asipuru dị ekọm idị opọ rotughemhị bọ aghaạph ipẹ odị alhoghoma bọ ilọ Isaiah 41:10, 13?

• Ika kụ idị avidio phọ r’esi aBaibul phọ etir opọ rotughemhị bọ?

Ibadị awe u/legheri iyaạr dị etagharạn phọ eru, obobọ u/miịn idiphọ inmo dị Enhaạn engọ bidị. (Gal 2:20) Esi iduọn phọ, yira omoọgh olhoghonhaạn abidị ḍighaạgh ooneghị omheeraam esi ekiạ etagharạn phọ aZizọs.

IPOGH VIDIO PHỌ SIGHẸ “KELHỌM GHUḌUM K’AGEE-PỌ!” PHỌ AANEGHIỌM OMHEERAAM ESI AZIZỌS, KỤ EPHANYANHAẠN SIPURU PHỌ EDAPHẠN BỌ SIẸN:

• Yira ulhegheri ika mọ onyọ umor phọ aakolhobian ni agey ilọ ituughạ phọ?

• Ika kụ idị odị asighẹ iyaạr dị edi gạ phọ “Waaghị Abughẹ” aḍighinhom olhoghonhaạn aḍighaạgh opọ odị ratughemhị bọ?

• Eeghe kụ iḍighi kụ iiḅereghị emạn bọ ni maạr esi opọ rotughemhị bọ?