Apinien—Ogọ Iiḍuul K’iiḍuul

Apinien dị amhoọgh ekol rakuenhi ghan aZihova, kangọ ibo olom r’anhịr phọ. (Mạk 10:9) Omhoọgh apinien oḅaạl olhoghi dị katọl ghan bịn, ewạ mọ aKristẹn omhaạr ghan odaphạn sinhị-iilhogh aBaibul mem dị rosaḅạr opọ r’abidị kobalhạn bọ.

Enighẹ okparạm okori tutụ oye phọ matenhom mem dị aruuphuạ orolhạn esi ketue ni ekikima nyodị osopha ogey osopha. (1Kọr 7:36) Sighẹ dọl egelhenyạ phọ anạ akparamhiọm siya phọ anạ r’Enhaạn aḅilhẹ aaneghiọm raagharạ aKristẹn. Nạ aḍighi iduọn phọ, kelhoghonhaạn ni nyinhạ ḍighaạgh omhoọgh ekol siphẹ apinien phọ anạ.

Tutụ nạ kameeraam oḍigh apinien r’oye, lọgh mem alhegheri oye phọ odị aru bọ, opọ “ro/miịn ghan bọ ekpeḍien phọ.” (1Pit 3:4) Eḍighi maạr dị nạ amhiigh omhoọgh iikia, pọ kaaphạn ni nyodị. Gbon raraạr dị nạ katue aḍighi siphẹ apinien phọ kparipẹ r’idị ophodiphọ oye phọ kụ kaḍighi. (Fil 2:3, 4) Nạ aḍighinhom ghan sinhị-iilhogh aBaibul siẹn nạ odi bọ dọl egelhenyạ phọ, nạ kamoọgh ni pinien dị aḍighi olọ oḅaạl olhoghi.

IPOGH VIDIO PHỌ OOKOLHOBIAN ILỌ APINIEN—EKPỊGH 3: ‘GBIIGHI RARAẠR PHỌ REWẠ BỌ’ KỤ EPHANYANHAẠN SIPURU PHỌ EDAPHẠN BỌ SIẸN:

• Ika kụ idị arighirị onyọ umaranhi phọ r’aShane ephoph eghị ghisigh?

• Odị alhọgh eeghe elhegh idiphọ amem mọ rekị bọ?

• Ika kụ idị odẹ r’onhiin odị olhoghonhaạn nyodị ḍighaạgh, kụ eeghe osopha osụ olhoghi kụ edị odị asopha?