Pạmanham Eḍeom Ịbal Ạ Bạịbul Phọ Ạna

Loor iboom ạraraar phọ nạ ạmhoogh bọ oḍighi, rẹkparanhaan ghan ni nyịnha ạal ghan ạ Bạịbul phọ tọrobo aḍio ḍụghum? (Josh. 1:8) Eḍighi ịdiphọ, pọ ạraraar phọ ịphen phọ kẹlhoghonhaan ni nyịnha ḍịghaagh:

• Seere ịyaar dị kẹḅa ghan ẹetughianham nyịnha ḍio ḍio ḍio. Ḍighi ịdi afon phọ ạna kạḅa ghan ạatughianham nyịnha mem mọ nạ ạmaanhaan bọ ạal ghan ạ Bạịbul phọ.

• Seere Bạịbul phọ ạna esi dị nạ kạnuun ghan ạmiin. Eḍighi mạar dị nạ ráḍighinhom ghan fon, pọ seere ghan Bạịbul phọ ạna esi dị keḍughanhaan nyịnha ọmhiin ghan oomo amem.—Deut. 11:18.

• Pegh ghan ọpo rọnaghanham ghan bọ rụru. Nạ atue ni apegh ghan ọpo rọnaghanham ghan bọ rụru mem dị nạ raḍighi ịyaar. Ọkoy eten dị aḍighi onhiin dị raḍighi ghan oḍighi ḍughul, dị oghol mọ Tara ạḅem mọ, “Ophegh ghan ịbal ạ Bạịbul phọ ọpo rọnaghanham ghan bọ rụru mem dị oye phọ raḍighi ịyaar mịlhoghonhaan ịmhi ḍịghaagh dị mị kápel ghan ḍio.”

• Kámeera ịyaar ekikima nyịnha. Eḍighi mạar dị ịyaar dị nạ úseere olhoghi emite mem mọ nạ ạmaanhaan bọ ạal ạ Bạịbul phọ, pọ kpạragha ni ạal ghạlhamo ịyal ạsiikpigh kụ agbi ọmhinha. Nạ kạmooghom ni sụo ghạlhamo r’ịduon nạ ụ́bal bọ iboom.—1 Pit. 2:2.