Okuọm Aloor

Idị AZizọs Aḍighi

AVIDIO: AZizọs Atughemhị Nikodimos

1. Pogh VIDIO phọ, obobọ bạl Jọn 3:1, 2. Kụ aaḅeghiọn sipuru phọ edaphạn bọ siẹn:

1. (1) Nạ ragbi mọ eeghe kụ iḍighi kụ aNikodimos aghị bọ ḍughuI omhiịn aZizọs?—Miịn Jọn 12:42, 43.

2. (2) AZizọs aḍeenhaan ika mọ odị akuọm ni loor oḍighi oḍighi awe bumatuạn phọ?

Ipẹ AZizọs Aḍighi Bọ Itughemhị Iyira Eeghe?

2. Oḍeenhaan mọ yira opomhoghiạn ni we esi okuọm aloor olhoghonhaạn abidị ḍighaạgh dị bidị koḍighi bumatuạn.

Tuughaạny Zizọs

3. Ituughạ mem r’esi dị kenighenhaạn opọ nạ ratughemhị bọ. Odị atue ni asaḅạr ḍio siphẹ awiki phọ obobọ mem siphẹ aḍio phọ dị keḅeraạn nyodị otuughạ. Keḅeraạn ni nyodị orọl otu oḍighi odị, olhoghi otu odị obobọ esi ogbo kụ otuughạ ḍughụm? Lọ edugh ni, pọ ḅeeḅenhion raraạr pidị nyinha etuughạ mem r’esi lọ eḅeraạn nyodị.

4. Igbor ghan etuughạ. Eḍighi maạr dị nạ ka/tọl, ka/ḅenhị nyodị mọ nyinha ke/tuughạ siphẹ awiki phọ. Kparipẹ ghụn, pogh mughumọ:

1. (1) Nạ katue ni atughemhị nyodị enhọn amem siphẹ awiki phọ.

2. (2) Nạ katue ni atughemhị nyodị dị eego esi aḍimạgh afon obobọ vidio.

3. (3) Nạ katue ni aḅenhị onhọn okaaphọm mọ atughemhị nyodị.

5. Ḅeeḅereghị alhọm omhoọgh egey ephoghom araraạr. Lọm aZihova alhoghonhaạn nyinhạ ḍighaạgh oghiọm aghisigh itughemhị phọ, ghalhamọ odị ra/gbor ghan ni katuughạ obobọ ra/nuụn kasighẹ aḍighinhom ipẹ odị ratuughạ bọ. (Fil. 2:13) Lọm ni kẹn aZihova alhoghonhaạn nyinhạ ḍighaạgh ogbon imạ araagharạ opọ nạ ratughemhị bọ.