Orophomhi Aḍighalhanyạ Phọ Ayira Epẹ Erugh Phọ​—Olhoghonhaạn Aḍighaạgh ‘Buphẹ Enaạn Mesaḅạr Bọ’ Dị Koḍighi Bumatuạn

IYAẠR PHỌ EMHẠN BỌ NI MAẠR: AJihova kụ raḍighi ghan idị iimuma igey phọ resi ghan rokpom abuphẹ odị masaḅạr bọ “omoọgh aghuḍum k’agee-pọ phọ.” (Iiḍ 13:48; 1Kọr 3:7) Esi iduọn phọ, mem lọ yira ogbon oghị epẹ erugh phọ ophogh abuphẹ rowạ bọ odaphạn ipẹ bidị rotuughạ bọ, pọ yira oḅọph rukumuan r’Enaạn. (1Kọr 9:26) Ewạ mọ bidị olegheri mọ oḍiiny amuụm aKristẹn phọ amoọgh maạr oḍighinom igey, orue omoọgh apelieẹny. (1Pit 3:21) Yira rologhonaạn ghan ḍighaạgh buẹn yira rotughemị bọ Baibul phọ oḍighi abumatuạn esi otughemị abidị onmeeghi araraạr pạ aghuḍum mọ abidị, dị bidị k’okaạph ghan oḅilẹ otughemị bunhọn, kụ oḅọgh ghuḍum abidị ongọ aJihova.​—Mat 28:​19, 20.

IPẸ KOḌIGHI BỌ:

• Kiọm ologhi buẹn nạ ratughemị ghan bọ Baibul phọ mọ emụ ituughạ phọ, pọ ologhonaạn abidị ḍighaạgh “olegheri” aJihova, kụ oḍighi idị eḅeraạn nyodị.​—Jọn 17:3

• Loghonaạn bidị ḍighaạgh okparamị asiya phọ abidị r’aJihova kụ okpạr opu araraạr dị reeḅaghamị bidị, idiphọ ikarạph aroozọ r’okarạph ooḅughonaan

• Kparamị bidị mem lọ muụm k/oḍiiny r’amem lọ moḍiiny eten.​—Iiḍ 14:22

POGH VIDIO PHỌ AJIHOVA ENAẠN PHỌ KALHOGHONHAẠN NI NYINHẠ ḌIGHAẠGH, KỤ EPHANYANAẠN SIPURU PHỌ EDAPHẠN BỌ SIẸN:

• Eeghe odọ oghiilaan kụ rapạm ghan ibadị kaḅulemi omạn oḅọgh aloor abidị ongọ r’oḍiiny amuụm?

• Ikumor awe kologhonaạn ika ḍighaạgh buẹn bidị rotughemị bọ Baibul phọ, okparamị asiya phọ abidị r’aJihova?

• Isaiah 41:10 utughemị iyira eeghe ilọ aJihova?

• Ighẹn araagharạ kụ kiloghonhaạn iyira ḍighaạgh ooḅereghị aJihova agey, ghalamọ r’iduọn yira u/munughan bọ ni?