SIGHẸ LOOR ANẠ ALHỌGH RUKUMUAN EPẸ ERUGH PHỌ | BUGHẸ IBO PHỌ ANẠ EPẸ ERUGH PHỌ
Ḍighinhom Sipuru
AZihova kụ ‘Enhaạn oḅaạl olhoghi phọ,’ kụ rawạ mọ yira oghelhọm oḍighi igbeelhom mọ. (1Tim 1:11) Ibo phọ ayira kebụgh ni iduọn yira rotophomhi bọ sighalhanyạ phọ ayira. Opuru ghan asipuru ketue ni eḍạ ḍiḅeeraạn oye, kụ eḍighi kẹn emạ eten omhiighom araghaạph. Asipuru relọgh ghan ḍighaạgh oosạ iitughiạn oye phọ. (Mat 22:41-45) Yira opuru sipuru kụ oḅilhẹ olher rurụ ongọ, reḍeenhaan ghan mọ yira omaghamhị ni maạr opọ yira rokaaphạn bọ. (Jems 1:19) Ophagharanhaạn oye phọ kulhoghonhaạn iyira ḍighaạgh olhegheri ilọ oghaạph araghaạph phọ.
IPOGH VIDIO PHỌ MOỌGH AANI IBO OḌIGHI AWE BUMATUẠN—TOPHOMHI SIGHALHANYẠ PHỌ ANẠ—OḌIGHINHOM ASIPURU, KỤ EPHANYANHAẠN SIPURU PHỌ EDAPHẠN BỌ SIẸN:
Ighẹn imạ araagharạ kụ edị aJade aḍeenhaan?
ANeeta aḍighinhom ika sipuru oḍeenhaan aJade ogbolhomaam?
Ika kụ idị aNeeta asighẹ sipuru abugheọm ḍiḅeeraạn aJade esi iiḅi iinhaghạn phọ?
Ika kụ idị aNeeta asighẹ sipuru aasaạm ḍiitughiạn aJade?