Loghonhaạn Ḍighaạgh Buphẹ Nạ Ratughemhị Ghan Bọ Baibul Phọ Oḍigh Arighirị r’AZihova

AZihova rawạ mọ ephomhoghiạn kụ inyu yira okumu odị. (Mat 22:37, 38) Ephomhoghiạn Enhaạn kengọ buphẹ yira rotughemhị ghan bọ Baibul phọ inyaạm onme aghuḍum abidị kụ okpạr opu ipaanhaạn. (1Jọn 5:3) Ephomhoghiạn Enhaạn keloghonhaạn bidị ḍighaạgh oḍiiny amuụm.

Loghonhaạn ḍighaạgh buphẹ nạ ratughemhị bọ olhoghoma ephomhoghiạn Enhaạn. Puru bidị mọ: “Iphẹn phọ etughemhị nyinhạ eeghe ilọ aZihova?” obobọ “Ika kụ idị iphẹn phọ eḍeenhaan mọ Enhaạn aphomhoghiạn ni nyinhạ?” Loghonhaạn bidị ḍighaạgh omhiịn ipẹ aZihova raloghonhaạn bọ bidị ḍighaạgh. (2Ch 16:9) Ḅenhị bidị reten dị aZihova maphagharanhaạn ghan iiḅereghị anạ, kụ aḅilhẹ akparamhị bidị omhiịn areten dị aZihova maphagharanhaạn ilọ abidị. Olhoghi ayira raḅaạl ghan ni omhiịn dị abuphẹ yira rotughemhị bọ olhoghoma mọ aZihova apomhoghiạn ni bidị kụ oḍighi roḍeenhaan mọ bidị opomhoghiạn aani ni nyodị.

IPOGH VIDIO PHỌ LOGHONHAẠN ḌIGHAẠGH BUPHẸ NẠ RATUGHEMHỊ GHAN BỌ BAIBUL PHỌ OḌIGH ARIGHIRỊ R’AZIHOVA, KỤ EPHANYANHAẠN SIPURU PHỌ EDAPHẠN BỌ SIẸN:

• 

  Ighẹn ipaanhaạn kụ edị aJade asoman?

• 

  Ika kụ idị aNeeta alhoghonhaạn ḍighaạgh Jade?

• 

  Ika kụ idị aJade akpạr apu ipaanhaạn phọ?