Sighẹ Olhoghonhaạn Aḍighaạgh Phọ AZihova Dị Eego Esi Iiḅereghị

AZihova kụ raḍighi ghan idị eemuma igey phọ kemoọgh sinhị eḅilhẹ epoph siphẹ ekpom oye phọ. (1Kọr 3:6-9) Esi iduọn phọ, orue omhoọgh ekol epẹ erugh phọ, pọ yira omoọgh obeḍenhọm aZihova dị kulhoghonhaạn iyira r’abuẹn yira rotughemhị ghan bọ ḍighaạgh.

Lọm mọ aZihova alhoghonhaạn ḍighaạgh opọ nạ ratughemhị ghan bọ okparạm igbiphoghọm r’okpạr opu ipaanhaạn. (Fil 1:9, 10) Ḅenhị ghan aZihova okạr ipẹ nạ rawạ bọ. Ḅeeḅereghị alhọm mọ uwaloor iigbia phọ aaḅakị iitughiạn r’ezọ phọ anạ. (Luk 11:13) Tughemhị buẹn nạ ratughemhị ghan bọ Baibul phọ ilọ ooḅereghị, kụ aḅenhị mọ bidị oḍighi ghan ni iduọn phọ. Ḅeeḅereghị r’abuẹn nạ ratughemhị ghan bọ Baibul phọ kụ aḅilhẹ aaḅereghinhaạn ghan bidị.

IPOGH VIDIO PHỌ MOỌGH AANI IBO OḌIGHI AWE BUMATUẠN—SIGHẸ OLHOGHONHAẠN AḌIGHAẠGH PHỌ AZIHOVA—IIḄEREGHỊ, KỤ EPHANYANHAẠN SIPURU PHỌ EDAPHẠN BỌ SIẸN:

• Ighẹn ipaanhaạn kụ edị aNeeta asoman pạ ituughạ ph’odị r’aJade?

• Ika kụ idị 1 Korịnt 3:6 elhoghonhaạn ḍighaạgh Neeta?

• Ika kụ idị aNeeta akpạr apu ipaanhaạn phọ odị?