SIGHẸ LOOR ANẠ ALHỌGH RUKUMUAN EPẸ ERUGH PHỌ | BUGHẸ IBO PHỌ ANẠ EPẸ ERUGH PHỌ
Ḍighinhom Raraạr Osighẹ Owaạm Igey Phọ
AZihova mungọ iyira raraạr arukumuan osighẹ orophomhiom asighalhanyạ itughemhị phọ ayira, iphẹn phọ pọ asividio, asitrạkt, asimagazin, asibrosọ, arinyạ, ḅilhẹ r’ekpanhạ iyaạr arukumuan phọ, aBaibul phọ. (2Tim 3:16) Odị aḅilhẹ kẹn ni amiteom raraạr osighẹ owaạm igey phọ, dị regbạ ghan keegholhomhi Baibul phọ. Araraạr phọ iphẹn phọ pọ aWatchtower Library, aJW Library® app, aWatchtower ONLINE LIBRARY™, ḅilhẹ r’aResearch Guide for Jehovah’s Witnesses.
Nạ kamoọgh ni ibo mem dị nạ asighẹ raraạr phọ iphẹn phọ momiteom bọ ongọ nyinhạ kụ rawaạm ruphua phọ edi bọ siphẹ Ekpo-onhụ phọ Enhaạn. Miịn mọ nạ atughemhị ni buẹn nạ ratughemhị ghan bọ Baibul phọ ilọ oḍighinhom araraạr owaạm igey phọ. Bidị osighẹ oḍighinhom, komoọgh ni oḅaạl olhoghi iduọn bidị komiịn ghan bọ ophanyanhaạn asipuru aBaibul dị bidị ropuru ghan.
IPOGH VIDIO PHỌ MOỌGH AANI IBO OḌIGHI AWE BUMATUẠN—SIGHẸ OLHOGHONHAẠN AḌIGHAẠGH PHỌ AZIHOVA—ARARAẠR OSIGHẸ OWAẠM IGEY PHỌ, KỤ EPHANYANHAẠN SIPURU PHỌ EDAPHẠN BỌ SIẸN:
AJade amhoọgh ghan ḍighẹn aḍiitughiạn ilọ olhẹm mọ?
ANeeta aghị ḍighen kụ amhiịn olhoghonhaạn aḍighaạgh?
Owaaghị araraạr siphẹ aBaibul phọ kụ oḅilhẹ oḅenhị aani abunhọn ringọ ghan ni iyira ibo
Ika kụ idị odị aselẹ iinhaghạn dị ekasiạn r’aḍiitughiạn phọ aJade?
Ika kụ idị oḍighinhom araraạr owaạm igey phọ etir eten itughemhị phọ aNeeta?