Nạ Aakolhobian Ni Rakori Mem Iiḅaghamhị?

Iduọn eekunha aḅirinhi phọ rekpụl bọ, yira rogon ni omhiịn dị araaghạm, iigamhanhiạn r’iiḅaghamhị ketọl. (Ogan 6:4) Ika kụ idị yira kotue ookolhobian okori raraạr phọ iphẹn phọ?

• Kookolhobian eten aruwaloor: Legheri sinhị-iilhogh r’ariisi aBaibul dị rekparamhị ghan oḍuom olhoghi anạ esi aZihova r’ookpomhoghan phọ odị, dị keḅilhẹ kẹn elhoghonhaạn nyinhạ ḍighaạgh orọl asạm. (Pr 12:5; jr-E 125-126 ¶23-24) Nyiidiphọ kụ amem omhoọgh asiya arighirị dị ekpạr siẹn ookpomhoghan phọ.—1Pit 4:7, 8

• Kookolhobian eten iphulhupul: Eḍighi maạr dị kewạ orọl otu, pọ kookolhobian ni aḅilhẹ amhoọgh raraạr orolhọm. Kookolhobian kẹn ni ekpisi osuma oghị. Pogh raraạr phọ edi bọ siphẹ okuru osumanham mọ anạ, kụ aḅarạm raraạr oghophom aloor idiphọ amạsk r’ikpoki. Legheri ilọ oteẹny ikumor awe phọ, aḅilhẹ amhiịn kẹn mọ bidị kotue ni oteẹny aani nyinhạ.—Isa 32:2; g17-E 5 3-7

Mem iiḅaghamhị phọ, ka/bilhẹ oḍighi araraạr phọ ipẹ nạ raḍighi ghan bọ okparamhiọm omheeraam mọ anạ. (Fil 1:10) Ka/telhe yogh epel lọ ewạ mọ ḍuạ. (Mat 10:16) Ngọ aani ni bunhọn eḍien r’inhọn araraạr.—Rom 12:13.

IPOGH VIDIO PHỌ NẠ AAKOLHOBIAN NI RAKORI ILỌ IYAẠR DỊ OLHOGHI U/SEERE? KỤ EPHANYANHAẠN SIPURU PHỌ EDAPHẠN BỌ SIẸN:

• Ika kụ idị aZihova katue ulhoghonhaạn iyira ḍighaạgh mem iiḅaghamhị?

• Yira koḍighi eeghe ookolhobian okori?

• Yira koḍighi eeghe olhoghonhaạn aḍighaạgh we dị iiḅaghamhị emitenhaan?