“Nyaaghiạn Ghan Torobọ Amem Siẹn Eekunha Asiḍio ‘Aruukunha Phọ’”

Iduọn yira rokparaghạm bọ eekunha asiḍio “aruukuna phọ,” iiḅaghamhị phọ kekiọm ghan ghisigh bịn ebụgh ghan bịn. (2Tim 3:1; nwtsty iyaạr ituughạ dị edi Mat 24:8) Mem dị iyaạr iiḅaghamhị emite, awe phọ aZihova romoọgh ghan ni iiḅakiọm dị repẹl ghan sighuḍum, kụ retu ghan mem dị ekpeanhaạn. Apelhieẹny ayira abeḍenhọm esi onhaghanhạn itọ ookolhobian anyiidiphọ, eten aruwaloor r’iphulhupul.—Luk 16:10.

• Kookolhobian eten aruwaloor: Moọgh egey edeọm. Tuughạ kirokirọ areten oghaaphọm iiḅi iinhaghạn phọ. Kaa/ḅaghamhiạn loor iboom eḍighi maạr dị awe siphẹ ookpomhoghan phọ nyinhạ ko/teẹny. (Isa 30:15) Ogina anạ bịn o/lho, aZihova r’aZizọs odi ni r’anạ.—od-E 176 ¶15-17

• Kookolhobian eten iphulhupul: Oḅarạm isiphẹ okuru araraạr orolhọm mọ, torobọ eghun-otu oseere ni eḍien lọ kemanạm, muụm, rooghọ, r’inhọn odọ araraạr orolhọm eḍighi maạr dị ewạ oḍuạ oghị enhọn ekpisi.—Pr 22:3; g17.5-E 4, 6

IPOGH VIDIO PHỌ NẠ AAKOLHOBIAN NI RAKORI ILỌ ARARAẠR DỊ OLHOGHI U/SEERE? KỤ EPHANYANHAẠN SIPURU PHỌ EDAPHẠN BỌ SIẸN:

• 

  Yira kookolhobian ika eten aruwaloor kụ okoriom ghan ekperenhom iiḅaghamhị?

• 

  Uḍighi ika kụ yira. . .

  • kokaaphạn ghan bọ agey ikumor awe phọ?

  • kookolhobian bọ okuru araraạr orolhọm amem iiḅaghamhị?

  • koḅilhẹ bọ ooḅeghiọn odọ iiḅaghamhị dị ketue emite, r’ilọ oḍighi?

• 

  Ighẹn iraạr areten kụ edị yira kotue ologhonhaạn ḍighaạgh bunhọn dị osoman iiḅaghamhị dị olhoghi u/seere?

PURUAN LOOR MỌ, ‘Mị atuughạ eeghe ilọ ookolhobian ghan siẹn COVID-19 phọ?’