ORỌL GHAN ADỌL ONYỌ AKRISTẸN

Nạ Aakolhobian Ni Rakori Ilọ Okaran Ekuom Ikpoki?

Araraạr remiteghu ghan ni dị rekọm ghan idị asidọl rekpạr ghan oomo isiẹn aḅirinhi phọ, kuolọ yira ro/moọgh ghan iikia. Eeghe kụ iḍighi? Loor esi dị yira odi okạr eekunha asiḍio aruukunha phọ kụ aBaibul phọ muphụr kẹn ni iyira rurụ mọ ku/sighẹ oḍuom oIhoghi ayira useere loor “eelạ phọ reten bọ oler phọ.” (1Tim 6:17; 2Tim 3:1) Eḍeenhaan Uw-emhạ phọ Jehoshaphat itughemhị iyira eeghe ilọ ookolhobian ilọ okaran iiḅaghamhị ikpoki?

Mem dị amulhọgh ḍien oru ozuom aJehoshaphat, odị aḍuomolhoghi aZihova. (2Ch 20:9-12) Odị aḍighi kẹn iyaạr amiteom ookolhobian eelhe phọ k’epẹ omạn esi okparamhị iikpe aramhạ phọ ḅilhẹ r’osereghi yogh abuọ eghạm. (2Ch 17:1, 2, 12, 13) Idiphọ aJehoshaphat, ewạ mọ yira oḍuomolhoghi aZihova kụ oḅilhẹ ookolhobian ilọ okaran asimem iiḅaghamhị.

YIRA KOḌIGHI EEGHE OOKOLHOBIAN ILỌ OKARAN IIḄAGHAMHỊ IKPOKI?

Kookolhobian eten aruwaloor: Ilọ nạ amhoọgh egbaanyạn ghan nyinhạ, aḅilhẹ akparamhị oḍuomolhoghi phọ nạ amhoọgh bọ mọ aZihova kamiteom ghan ni angọ nyinhạ ipẹ nạ rawạ bọ ḍio phọ. (Mat 6:26; 1Tim 6:8) Sopha mọ eten owạ araraạr ilọ aḍio phọ anạ ke/ḅarạm oḍighi araraạr dị egbạgh siigbu aBaibul phọ. (Rom 2:21) Legheri reten dị ghalhamọ aḍiḅaạl r’intanẹt i/lo ni, nạ katue ghan ni ateẹny riiḍien aruwaloor phọ. Selẹ ni iphurukpu arinyạ dị oprint aseere, kụ edugh ni, pọ danlod ni rinyạ dị koḍighinhom epẹ ghisigh kụ egbi oteẹny.

Kookolhobian raraạr orolhọm: Ka/leeghi yogh iboom iimhụgh ḅilhẹ ka/lioghom ikpoki ilọ ateẹny r”olegheri ghan bọ mem dị araraạr kekpạr. (Pr 22:7) Edugh pọ, seerien ni riiḍien r’inhọn araraạr dị emhạn maạr. Abunhiin ootughiạn omhoọgh obạm ozo iizuphạ pidị ekomhe malhiom.

IPOGH VIDIO PHỌ NẠ AAKOLHOBIAN NI RAKORI ILỌ IYAẠR DỊ OLHOGHI U/SEERE? KỤ EPHANYANHAẠN SIPURU PHỌ EDAPHẠN BỌ SIẸN:

Afoto dị osighẹ siphẹ avidio phọ “Nạ Aakolhobian Ni Rakori Ilọ Araraạr Dị Olhoghi U/seere?” Afoto phọ aḍeenhaan Baibul, okuru oḍuanhạm r’afon, ḅilhẹ r’awe dị roselemhi ghan otu.

Yira kotue oḍighi eeghe ookolhobian ilọ amem dị olhoghi u/seere?

Your answer

Afoto dị osighẹ siphẹ avidio phọ “Nạ Aakolhobian Ni Rakori Ilọ Araraạr Dị Olhoghi U/seere?” Abumor rolhoghonhaạn ghan ḍighaạgh bunhọn abumor dị ekperenhom iiḅaghamhị emitenhaan oselemhi arutu ḅilhẹ r’osereghi asidool dị edi ogbogh amoto.

Ika kụ idị yira kotue ookolhobian olhoghonhaạn aani abunhọn ḍighaạgh?

Your answer