Ipẹ Koḍighinhom Bọ Sividio Ituughạ ABaibul Phọ

Yira omhoọgh inya asividio ituughạ aBaibul dị roḍighinhom ghan epẹ erugh phọ. Utuạn eeghe kụ omiteom bọ torobọ avidio phọ?

• 

  Eeghe Kụ Iḍighi Kụ Nạ Katuughạ Bọ Ni ABaibul Phọ?—Ooḍoọny Phọ umiteom oḍaạm aḍiḅeraạn awe olhọgh isiphẹ aBaibul phọ etigheri odọ omheeraam dị oye phọ amhoọgh. Avidio phọ ranyu ghan opọ rapogh bọ owạ ophanyanhaạn igbogh asipuru ilọ aghuḍum mọ siphẹ aBaibul phọ, kụ angọ kẹn ni ophanyanhaạn inhiin asipuru. Avidio phọ akaạph kẹn ipẹ kotue bọ olọm ituughạ aBaibul.

• 

  Eeghe Kụ Iḍighi Kụ Nạ Katuughạ Bọ Ni Baibul Phọ? (ookpera phọ) ophọn phọ raḍighi aani ni oniin phọ oḍighi phọ oodoọny phọ raḍighi bọ, kuolọ aḍighi oniin abin odi oodoọny phọ iraạr abin. Ophọn phọ akạr anighẹ oḍighinhom ekool dị awe phọ u/kạr umhoọgh mem araghaạph.

• 

  Eeghe Kụ Remite Ghan Mem Ituughạ aBaibul? umiteom nyoọn phọ oḍạ aḍiḅeraạn awe ilọ ituughạ aBaibul phọ ayira ikpoki ro/boọr ghan bọ ḅilhẹ romiteom ophanyanhaạn asipuru dị rogbor ghan kopuru, eḅarạm bọ ni ilọm ilọ otuughạ aBaibul phọ.

• 

  Romạgh Ni Mọ Nạ Masi Ituughạ ABaibul Phọ umiteom opheghenhaan abuẹn rotughemhị bọ Baibul phọ. Ghalhamọ r’iduọn avidio phọ aghaạph bọ aghughuronhom omunhenhiom iyạl opoḍi aḍinyạ phọ Kelhọm Ghuḍum K’agee-pọ!, kotue ni oḍeenhaan mem dị rotughemhiọm brosọ phọ Kelhọm Ghuḍum K’agee-pọ! Avidio phọ akaạph ilọ araraạr phọ edi bọ olhoghi aḍinyạ phọ ḅilhẹ r’iyaạr dị opọ rotughemhị bọ r’agon omhiịn siphẹ ituughạ phọ.

Etu ni inẹ mọ torobọ avidio phọ amhoọgh ni iyaar dị otụ bọ kụ omiteom, kuolọ kotue ni oḍeenhaan obobọ okiọm we mem lọ emoghi. Ekạr rewạ mọ abukaaphọm mọ olhegheri sividio phọ iphẹn phọ kụ oḍighinhom ghan epẹ erugh phọ.