Ilọ Owaaghị Araraạr

Araraạr Otughemhiọm Ibạm Anmụny

Aburudẹ r’aburunhiin omoọgh ogbogh oḍighi otughemhị ibạm anmụny phọ abidị ilọ aZihova. (Efẹ. 6:4) Kụ oḍighom mọ omiteom ni ibadị araraạr dị bidị kotue osighẹ otughemiọm ibạm anmụny phọ abidị. Ika kụ edị nạ katue aḍighinhom raraạr phọ iphẹn phọ?

• Kiạ siphẹ jw.org. AJW.ORG phọ apạm oomo araraạr dị oḍighom mọ momiteom ilọ iḍoọgh, idiphọ asividio ḅilhẹ r’idoronheẹn.a Orue omhiịn araraạr phọ iphẹn phọ, kiạ siphẹ search, kụ agẹ “Children” obobọ “Teenagers.”

• Selẹ odị akasiạn obumoọny phọ anạ. Siphẹ ekpịgh phọ “Children” nạ katue ni aselẹ sividio, suọr obobọ inhọn araraạr dị nạ aatughiạn mọ keloghonhaạn ḍighaạgh obumoọny phọ anạ. Omhiịn iphẹn phọ, pọ kiạ siphẹ search kụ agẹ “Family Worship Projects.”

• Wạ mem kụ aaḅeghiọn iphẹn phọ r’obumoọny phọ anạ. Ka/sighẹ ghan sividio phọ obobọ rinyạ phọ bịn angọ obumoọny phọ anạ opheghom okori oḍighi inhọn araraạr. Kparipẹ ghụn, sighẹ raraạr phọ iphẹn phọ akparamiọm siya obumoọny phọ anạ r’aZihova.