AḌIPUM 3
Ilọ Osighẹ Aḍinyạ Phọ Kelhọm Ghuḍum K’agee-pọ! Otughemhiọm Oye Baibul
Abumor phọ ulhọgh ni mem ooḅereghị oḅilhẹ owaaghị raraạr kụ ogbi bọ omiteom aḍinyạ phọ Kelhọm Ghuḍum K’agee-pọ! Omhiịn mọ nạ aḍighinhom ni agey ḍinyạ phọ, pọ sighẹ eten phọ ephẹn kụ aḍighinhom mem dị nạ ratughemhị oye Baibul.
Tutụ nạ kakị otughemhị oye
1. Maạr aakolhobian. Mem dị nạ raakolhobian, tuutughiạn ilọ araraạr phọ ipẹ opọ nạ ratughemhị bọ amhoghi bọ, dọl phọ, r’omheeraam mọ odị. Kparaghạ ootughiạn ariisi dị kekparanhaạn oye phọ onhaghanhạn r’osighẹ oḍighinhom. Tuutughiạn ipẹ nạ katue bọ asighẹ aḍighinhom gạ phọ “Waaghị Amhiịn” olhoghonhaạn opọ nạ ratughemhị bọ ḍighaạgh, kụ aakolhobian osighẹ oḍighinhom mem lọ ewạ iduọn nyinha retuughạ bọ.
Mem dị nyinha retuughạ
2. Miighom aḅilhẹ akureriom ituughạ phọ r’iiḅereghị, epel lọ opọ nạ ratughemhị bọ u/wạ.
3. Miigha loor, ka/kaaphọgh iboom araraạr. Gbon ipẹ edi bọ siphẹ aḍinyạ phọ kụ amheera dị opọ nạ ratughemhị bọ kakaạph ipẹ edi bọ olhoghi phọ odị.
4. Mem dị nạ ramiighom emhoom ekpịgh, bạl li pạ ogẹ bọ mọ “Egbon” kụ aghaạph aghol iniin arumhuoghaạph.
5. Nyinha emhạn ekpịgh phọ, ḍighinhom sipuru ooḅula ekpịgh phọ olhoghonhaạn aḍighaạgh opọ nạ ratughemhị bọ dị odị kaatughiạn igey phọ odị matuughạ bọ.
6. Mem lọ nyinha retuughạ torobọ esi ituughạ:
(1) Ibạl igẹ phọ.
(2) Ibạl oomo ariisi aBaibul phọ ogẹ bọ mọ “Ibạl.”
(3) Ibạl li inhọn ariisi aBaibul dị edi siphẹ esi ituughạ phọ mem lọ ewạ.
(4) Ipegh oomo asividio phọ oḅẹm bọ mọ “Ipegh” (eḍighi maạr lọ nạ amhoọgh ni).
(5) Puru opọ nạ ratughemhị bọ oomo asipuru phọ edi bọ pạ phọ.
(6) Ḅenhị opọ nạ ratughemhị bọ mọ odị aphogh sifoto phọ edi bọ gạ phọ “Olhegheri Obughẹ,” kụ aḅenhị mọ odị aghaạph ilọ afoto phọ.
(7) Ḍighinhom igbe phọ “Aḍiigbu” olhoghonhaạn aḍighaạgh opọ nạ ratughemhị bọ dị kalegheri ophoph oghị aghisigh phọ odị. Nạ atue ni aloghonhaạn nyodị ḍighaạgh ophighi aḍiigbu phọ omạ bọ pạ phọ, obobọ ophighi inhọn asiigbu.
(8) Puru nyopọ nạ ratughemhị ghan bọ mughumọ odị aghelhọm ni emhuoghaạph obobọ vidio dị odi gạ phọ “Waaghị Amhiịn” mem mọ odị aakolhobian bọ esi ituughạ phọ.
(9) Kparaghạ dị nyinha kemadạn ghan torobọ esi ituughạ ḍio.
Mem dị nyinha emhạn ituughạ elọ aḍio phọ
7. Tuutughiạn ghan ni ilọ opọ nạ ratughemhị bọ. Lọm aZihova asẹph ophoph oghị aghisigh phọ odị, aḅilhẹ angọ nyinhạ osụ olhoghi pidị nạ alegheri ilọ olhoghonhaạn odị ḍighaạgh.