Mọoghom Sụo Marginal Reference Phọ

A Marginal reference phọ edi bọ sịphe New World Translation of the Holy Scriptures phọ eḍeenhaan mọ ạkirokiro ạpakiri ạ Bạịbul phọ ẹḅophan ni esi ọghaaph oghol ịnhon ariisi ạ Bạịbul dị ẹghaaph ẹbughe ịlo eniin phọ ẹmhu ọghaaph phọ. Orue ọmhiin amarginal reference phọ pọ kọsighe ẹbam ekpo ịge dị etuman ekpo ọnhu phọ kụ ọwaam. Orue ọmhiin amarginal reference phọ sịphe ạ Bạịbul phọ ọpo oprint bọ omiteom, pọ kọsighe ekpo ịge phọ etuman bọ ekpo ọnhu phọ kụ ọwaam sịphe ogbo phọ ọbobo ọgbal ạ Bạịbul phọ ọmhiin ịnhon ariisi ạ Bạịbul dị ọghaaph oghol. Sịphe jw.org ọbobo JW Library® app, kotir ẹbam ekpo ịge phọ etuman bọ ekpo ọnhu phọ ọmhiin ịnhon ariisi ạ Bạịbul dị ọghaaph oghol.

Ạ marginal reference phọ katue ni ạsighe nyịnha ạkimom iniin ạraraar phọ ịphen phọ ḅịlhe r’ịnhon:

Ịnhon Ariisi Ạ Bạịbul Dị Ọghaaph Phọ Odi Aani: Ạ marginal reference phọ rạḅilhe ghan kaḍeenhaan ịnhon ariisi ạ Bạịbul dị oniin phọ ọghaaph phọ amite aani. Esi ọmaam, mịin 2 Samuel 24:1 rạ 1 Chronicles 21:1.

Esi Ạ Bạibul: Reḍeenhaan ghan kẹn ẹḅel esi dị ekpo onhụ ọbobo ikpo onhụ dị oye ạba emite. Esi ọmaam, mịin Matiu 4:4 rạ Deuteronomy 8:3.

Ịmiin Dị Emhunhughan: Rẹkaaph ghan kẹn keghol ịmiin r’ịpe ịmiin phọ emhunhughan bọ. Esi ọmaam, mịin Matiu 21:5 rạ Zechariah 9:9.