Ọlhoghonhaan Ạḍighaagh Dị Odianhaan Nmạriir Dị Rọzoom Ẹkaraph Eten

Ikpo ọnhu phọ ịphen phọ kụ ẹdi omhiighom bọ ḍịnya phọ oghol bọ mọ “Women’s Safety—The Bible’s Perspective, edi bọ jw.org.” Esi edi ni dị nạ katue a dạnlod ḍịnya phọ amiteom kụ akpooghi inya ipoḍi. Oniin ọnyo umaranhi ẹpe United States dị oghol mọ Stacy ạḅem mọ: “Mị ụdạnlod ni ịbadi amiteom, kụ mị r’ọnhon ọnyo umaranhi ọsighe ọghimhom esi dị ropogh ghan nmạriir dị mọzoom ẹkaraph eten, dị edi ghan ẹpe ekool arukumuan phọ ayoor.”

Ạnhir dị raḍighi ghan sịphe phọ ạḅem mọ ọsighe ịnhon ọghimom pịdi ọdi adiighi ạngo bụphe bịdi ropogh bọ. Yoor udi ni ịnhon 40 ạrinya phọ ịphen phọ ḅịlhe rị 30 a jw.org kọntạkt kạd. Kụ yoor rọḅilhe oḅula ẹnhon aḍio, ạnhir phọ rapogh ghan bọ esi phọ ạḅem mọ yoor uḍighi uḍeenhaan bụphe orugh bọ sịphe phọ ịpe yoor rọtughemhi ghan bọ we Bạịbul.

Ạ Stacy r’ạbunhon ịyal abumaranhi ụmhoogh aani ni ekol ẹnhon ẹdo esi phọ ẹphen phọ. Sịphe phọ bịdi ụngo ni oogh ạ trạkt phọ ịphen phọ, kụ ọḅilhe ọḅenhi bidị ọsighe ịnhon ọghimhom. Oniin ạnhir dị raḍighi aani ghan sịphe phọ ạḅem mọ: “Ạḍibam ạḍinya phọ ạḍien phọ kẹloghonhaan ni ḍịghaagh nmạriir phọ ạbuen phọ odi bọ sịen phọ.” Kụ ạḅaram mọ, “Yoor ọkar omoghi ḍịnya phọ ạḍien phọ.” Yoor ụḅilhe ni oḅula ẹnhon aḍio, kụ ịbadi ạbuphe orugh bọ sịphe phọ ookpomhoghan ọmhiin aani ịpe ịtuugha ạ Bạịbul phọ ayira rẹki ghan bọ, kụ ịyal sịphe igbo phọ ạbidi ụghaaph ni mọ kẹḅeraan ni bịdi oru aani ịtuugha eekunha a wiki phọ ẹpe a Kindọm Họl phọ.

Ạ Stacy ạḅem mọ: “Ịkar kụ ẹḅaal olhoghi ayoor ọmhiin idị ịma phọ ẹmhuoghaaph phọ ẹphen phọ ẹḅeraan we agey. Eḍighi ni ẹma eten ọghaaph iiḅi ịinhaghan phọ ọḅenhi ạnmariir phọ ạbuphe mọzoom bọ ẹkaraph eten. Eten phọ bịdi ọsighe bọ ḍịnya phọ itir ri iyoor iboom, kụ ilhoghi ayoor ịḅaal kẹn agey ọmhiin ịpe a Jehova kạseph bọ ikuph phọ ayoor ọḅilhe ọghi ọteeny ạnmariir phọ ạbuen phọ r’adom iiḅi ịinhaghan phọ.”