Jennésis
2 Konsa, Bondyé fini fè syèl-la, latè-a èk tout sa ki té adan yo. 2 Asou sètyenm «7yenm» jou-a, Bondyé té ja fini twavay-la i té ka fè-a èk i koumansé pozé hòd tout twavay-la i té ka fè-a. 3 Épi Bondyé benni sètyenm «7yenm» jou-a èk i déklawé’y kon on jou ki sen; paski sé asou jou sala i té posé apwé i té fini fè tout kwéyasyon’y èk tout bagay i té vlé fè. 4 Sa sé listwa syèl-la èvèk latè-a, lè Bondyé té kwéyé yo, jou-a Dyé Jéhova tè fè latè-a èvèk syèl-la. 7 Épi Dyé Jehova fè nonm-lan épi lapousyè ki sòti an tè-a, èvèk i souflé lisouf lavi an twou nen’y, èk nonm-lan vini on moun ki vivan. 15 Dyé Jéhova pwan nonm-lan épi i mété’y an jaden Édenn pou twavay jaden-an èk pou otjipé’y. 16 Èk osi, Dyé Jéhova té bay nonm-lan koumand sala: “Ou sa manjé bouden’w plen an sé fwi-a ki asou tout sé pyé bwa-a ki an jaden-an. 17 Mé pa manjé fwi an pyé bwa nòlaj sa ki bon èk sa ki mové-a, paski jou-a ou manjé adan’y-lan ou kay sètèman mò.” 18 Apwé sa, Dyé Jéhova di: “I pa bon pou nonm-lan kontiné wèsté pa kò’y yonn. Mwen kay fè an moun pou édé’y, pou sèvi’y konpany.” 24 “Sé pou wézon sala an nonm kay kité papa’y èvèk manman’y, i kay ataché asou madanm li èk i pa kay kité’y, èk yo kay kon yon sèl moun.”