Jennésis

3 Sèpan-an sété bèt-la ki té pli pwidan an tout sé bèt-la Dyé Jéhova té kwiyé-a. Kon sa i di fanm-lan: “Ès Bondyé té vwéman di, ou pa dwé manjé hòd tout sé pwé bwa-an ki an jaden-an?” 2 Fanm-la di sèpan-an: ‘Nou sa manjé sé fwi-a ki an sé pyé bwa-a ki an jaden-an. 3 Mé, sé fwi-a ki an pyé bwa-a ki an mitan jaden-an, Bondyé té di: “Ou pa sipozé manjé adan’y, non, zòt pa sipozé manyen’y. Si zòt fè sa, zòt kay mò.” 4 Épi, sèpan-an di fanm-lan: ‘Zòt pa kay mò pyès. 5 Paski Bondyé konnèt ki, jou-a zòt manjé fwi pyé bwa sala, zyé zòt kay ouvè èk zòt kay vini menm kon Bondyé, zòt kay konnèt sa ki bon èk sa ki mové.” 6 Lè sa-a, fanm-lan wè sé fwi-a ki té asou pyé bwa-a té bon pou manjé, wi, pyé bwa-a té bèl an chay. Konsa, fanm-lan koumansé tjouwi fwi asou pyé bwa sala èk i koumansé manjé’y. Apwé sa, lè i té ansanm épi mawi’w, i ba mawi’y adan fwi-a èk mawi’y koumansé manjé’y. 15 Mwen kay mété hayisans ant ou épi madanm-lan, èk ant désandan’w épi désandan’y. I kay kwazé tèt ou, épi ou menm kay blésé’y an talon’y. 16 I di fanm-lan: “Lè’w ansent, mwen kay ogmanté doulè-w anpil. Ou kay soufè lè’w ka akouché. Ou kay santi ou bizwen mawi’w anpil, èk i kay donminé’w.” 17 Èk i di Adanm: “Paski ou kouté madanm ou èk ou manjé fwi hòd pyé bwa-a, menm pyé bwa-a mwen té bay zòt lòd konsèné-a; Lè mwen té di zòt-la, ‘pa manjé fwi hòd pyé bwa sala.’ Konsa, modisyon-an ki asou tè-a sé fòt zòt. Èk ou kay twavay wèd chak jou an lavi’w pou manjé sa i ka pwodwi. 18 I kay pwodwi pika èk chadon pou ou, èk ou dwé manjé sa i ka pwodwi. 19 Ou kay swé pou twapé bagay pou manjé jis lè ou viwé an tè-a, paski sé labou tè ki fè’w. Sé lapousè ou yé èk ou kay viwé lapousyè.”