Jennésis

9 Mé Onann té konnèt ki, moun pa té kay konsidiwé ti manmay-la kon sa li. Alò, lè Onann té kouché épi madanm fwè’y, i ijakilé atè-a pou’y pa fè ich ba fwè’y. 10 Sa Onann té fè-a té mové an zyé Jéhova, alò, Jéhova tjwé’y osi. 15 Lè Jouda té wè’y, i pwan’y pou an fanm ki ka kouwi vyé lavi, paski i té kouvè fidji’y. 16 Jouda apwoché’y bò chimen-an èk i di’y: “Pèwmité mwen, souplé, pou kouché épi’w,” paski Jouda pa té sav i sété bèlfi’y. Alò, Téma di’y: “Ki sa ou kay ban mwen pou’w sa kouché épi mwen?” 17 Jouda wéponn li: “Mwen kay voyé an jenn kabwit hòd twipo mwen ba’w.” Mé Téma di’y: Ès ou kay ban mwen an bagay pou tjenbé jis lè ou voyé kabwit-la?” 18 Jouda mandé’y: “Ki sa ou vlé mwen ba’w tjenbé?” Téma di’y: “Ban mwen bag ou èk chenn-lan ki ka tjenbé-la èk baton-an ki an lanmen’w-la.” Lamenm Jouda bay Téma sé bagay-la i té mandé’y pou-la èk i kouché épi’y, èk Téma vini ansent.