Jennésis

3 Tout zannimo ki vivan sé manjé pou zòt. Menm kon mwen ja ba zòt tout kalité plan pou manjé, mwen ka ba zòt tout zannimo pou manjé. 4 Mé, zòt pa dwé manjé vyann ki ni san adan’y, paski san sé lavi. 8 Apwé sa Bondyé di Nowa épi sé gason’y-lan: 9 “Apwézan mwen ka établi agwéman mwen épi zòt èk désandan zòt. 10 Èk osi, épi tout bèt vivan ki la épi zòt. Sé jibyé-a, sé zannimo-a, èk tout lòt bèt vivan ki asou latè-a ansanm épi zòt. Tout sa ki sòti andidan batiman-an, tout bèt vivan ki asou latè-a. 11 Wi, mwen ka établi agwéman mwen épi zòt: Mwen pa kay janmen détwi tout bèt ansanm épi tout moun an yon délij ankò. Èk yon délij pa kay janmen détwi latè-a ankò.” 12 Èk Bondyé di ankò: “Sa sé sin agwéman-an mwen ka fè ant mwen èk zòt èk tout bèt vivan ki épi zòt. Agwéman sala kay diwé pou tout jennéwasyon. 13 Mwen mété lakansyèl mwen an sé nwaj-la, èk i kay sèvi kon yon sin pou agwéman-an mwen fè épi latè-a. 14 Népòt lè mwen fè yon nwaj kouvè latè-a, lakansyèl-la kay pawèt an nwaj-la. 15 Èk asiwé, mwen kay chonjé agwéman-an mwen fè épi zòt èk tout bèt vivan silon kalité yo, èk dlo-a pa kay janmen vini yon délij pou détwi tout moun épi tout bèt. 16 Lè lakansyèl-la pawèt an nwaj-la, asiwé mwen kay wè’y, èk mwen kay chonjé agwéman-an pou tout tan ant Bondyé épi tout lézòm èk tout bèt vivan ki asou latè-a.” 20 Nowa té koumansé kon an fama, èk i té planté an jaden wézen. 21 Lè i té bwè diven-an, i té vini sou, èk i té toutouni andidan tant li. 22 Ham, papa Kénann, té wè papa’y Nowa toutouni, èk i té alé di sé dé fwè’y-la ki té déwò. 24 Lè Nowa pa té sou ankò èk i vini konnèt sa pli jenn gason’y té fè’y, 25 I té di: “Malédiksyon asou Kénann. I ni pou vini pli ba èslav sé fwè’y-la.”