1 Wa

5 Mé an menm di tan, Adonayja gason Hagif koumansé gadé pou lonnè pou kò’y, i di: “Sé mwen ki kay vini wa!” Konsa, i fè an kawòs pou kò’y épi senkant «50» nonm ki té ka kouwi douvan kawòs li. Osi, i té ni nonm asou chouval épi’y. 6 Mé papa’y pa té kowijé’y. I pa té janmen di’y: “Pouki ou ka fè sa?” Adonayja sété an bèl nonm, èk manman’y té fè’y apwé i fè Absalonm. 7 Adonayja té palé épi Jowab gason Zèrouya, èk épi Abiyafa pwèt-la, èk yo dakò pou bay Adonayja sipò. 8 Mé kanmenm, Zadòk pwèt-la, Bennaya gason Djèhòyada, Nafann pwofèt-la, Chimiay, Riyay, èk sé sòlda David-la ki té ni an chay fòs, pa té sipòté Adonayja.