1 Wa

21 Kon Réyobowanm wivé Jérouzalèm, i asanblé tout lafanmi Jouda èk lafanmi Bennjamin pou yo té sa ay goumen kont jan Izwayèl pou yo fè Réyobowanm, gason Sòlomonn, wa ankò. I té asanblé yon san katwiven mil «180,000» sòlda. 22 Apwé sa Dyé vwé-a palé épi pwòfèt li Chimaya, i di’y: 23 “Alé di Réyobowanm gason Sòlomonn wa Jouda, épi lafanmi Jouda èk Bennjamin, èvèk lèstan sé moun-lan, 24 ‘Mi sé sa Jéhova di: “Zòt pa sipozé alé goumen kont jan Izwayèl paski zòt sé fwè. Sé pou chak di zòt witounen lakay zòt, paski sé mwen ki annékòz sa pou fèt.”’” Alò, yo obéyi pawòl Jéhova, èk yo witounen lakay yo menm kon Jéhova té di yo pou fè.