1 Wa

13 Jéhova tè ba yon sèvant li ki té an Jouda lòd pou alé Bèfèl padan Jéwoboam té doubout bò lotèl-la ka bwilé sakwifis. 2 Asou lòd Jéhova, i té palé byen fò bay lotèl-la, i té di: “O lotèl, lotèl! Mi sé sa Jéhova di: ‘Tann sa! An ti gason yo kay kwiyé Josaya ni pou fèt an fanmi David! i kay sakwifyé pwèt ki ka sèvi koté ki ho pou fè adowasyon asou’w, i kay sakwifyé moun ki ka bwilé sakwifis asou’w, èk i kay bwilé zo moun asou’w. 6 Apwé sa wa-a di nonm Dyé vwé-a: “Souplé, plédé bay Bondyé’w Jéhova, èk mandé’y pou moutwé mwen favè, èk djéwi lanmen mwen.” A lè sala, nonm Dyé vwé-a plédé épi Jéhova pou moutwé wa-a favè, èk lanmen wa-a djéwi.