1 Wa

18 Apwé an tan, an twazyenm lanné-a, Jéhova di Ilaydja: “Alé douvan Éhab, èk mwen kay fè lapli tonbé.” 2 Konsa, Ilaydja alé douvan Éhab, padan Sanmariya té ni an gwo lafen. 3 Diwan tan sala Éhab voyé kwiyé Obadaya, moun-lan ki té wèskonsab kay li. (Bagay-la sé sa, Obadaya té ni an pil kwentif pou Jéhova. 12 Lè mwen kité’w, lèspwi Jéhova kay mennen’w an koté mwen pa konnèt. Èk lè mwen di Éhab ou la èvèk i gadè pou ou èk i pa jwenn ou, asiwé i kay tjwé mwen. Mé mwen sé an moun ki ni kwentif pou Bondyé dépi mwen jenn. 13 Mèt mwen, ès yo pa té di’w sa mwen té fè lè Jèzibèl té ka tjwé sé pwofèt Jéhova-a? Ès yo pa té di’w mannyè mwen té séwé yon san «100» an sé pwofèt Jéhova-a adan on kav? Èk mannyè mwen mété yo an dé «2» gwoup ki té ni senkant «50» pwofèt an chak gwoup? Épi mannyè mwen té ka ba yo pen èk dlo? 14 Mé apwézan ou ka di mwen, ‘Alé èk di mèt ou: “Ilaydja la.”’ Asiwéman i kay tjwé mwen!” 21 Apwé sa, Ilaydja apwoché tout sé moun-nan èk i di yo: “Ki lè zòt kay doubout ni dé lidé? Si sé Jéhova ki Dyé vwé-a, adowé’y; mé si sé Bal, sé li pou zòt adowé!” Mé sé moun-nan pa wéponn li, yo pa di’y yon mo pawòl. 23 Sé pou yo ban nou dé jenn towo. Kité yo chwazi yon jenn towo, koupé’y an plizyè mòso èk mété’y asou sé mòso bwa-a, mé yo pa sipozé pwi’y difé. 24 Apwé sa zòt sipozé kwiyé non dyé zòt èk mwen kay kwiyé Jéhova. Dyé-a ki wéponn lè i pwi sé mòso bwa-a difé kay moutwé sé li ki Dyé-a ki vwé. Lè sé moun-nan tann sa, yo tout di: “Sa’w di-a bon.” 25 Apwézan, Ilaydja di sé pwofèt Bal-la: “Chwazi yon jenn towo èk pwépawé’y avan, paski zòt ni pli moun. Apwé sa, kwiyé dyé zòt mé pa pwi sé mòso bwa-a difé.” 26 Kon sa yo pwan jenn towo-a yo té ba yo-a, yo pwépawé’y, èk yo té ka kwiyé Bal dépi bonmaten pou jis midi. Èk yo té ka di: “Bal Bal, wéponn nou!” Mé yo pa tann pyès vwa, pyèsonn pa té ka wéponn yo. Yo té ka maché bwété tout oliwon lotèl-la yo té fè-a. 27 Bò midi, Ilaydja koumansé motjé yo, i di: “Sé pou zòt andjélé! Sé yon dyé i yé! Pitèt i ka wéfléchi ében i ka fè bizwen’y. Pitèt i ka dòmi èk an moun ni pou lévé’y!” 28 Yo té ka andjélé èk yo té ka koupé kò yo épi kouto èk lans kon yo té ni lakoutim fè jis tan san yo koulé asou kò yo. 29 Midi pasé èk yo kontiné aji san kontwòl jis tan lè-a wivé pou lofwann gwenn-nan yo té ka ofè lé swè. Mé yo pa tann pyès vwa, pyèsonn pa té ka wéponn yo; pyèsonn pa té ka ba yo ganm. 36 Lè lè-a té pwèskè wivé pou yo ofè sakwifis gwenn-lan yo ka pwézanté lé swè-a, Ilaydja vini bò lotèl-la èk i di: “Jéhovah, Dyé Abrahann, Ayzak, èk Izwayèl, jòdi-a sé pou yo konnèt, sé ou ki Bondyé an Izwayèl. Sé pou yo konnèt, mwen sé sèvant ou, èk sé ou ki di mwen pou fè tout sé bagay sala. 37 Wéponn mwen, Bondyé Jéhova! Wéponn mwen, pou tout pèp sala konnèt, sé ou menm Jéhova, ki Dyé lavéwité-a, èk sé ou ki ka fè yo viwé vini jwenn ou. 38 Lè sala, Jéhova fè yon difé sòti an syèl èk difé-a bwilé sakwifis-la, sé mòso bwa-a, sé wòch-la, lapousyè-a, èk chéché dlo-a ki té an kannal-la. 39 Lè tout sé moun-nan wè sa la menm yo jété kò yo plat atè èk yo di: “Sé Jéhova ki Dyé vwé-a! Sé Jéhova ki Dyé vwé-a!”