1 Wa
3 Lè Ilaydja tann sa, i té si tèlman pè, i kouwi pou sové lavi’y. Lè i wivé Bèchiba, plas lafanmi Jouda, i kité sèvant li-a la. 4 Apwé i fè yon jou ka voyajé an hòtè, i vin asid anba an ti pyé bwa, épi i mandé Bondyé pou’y mò. I di: “Asé sé asé! Pwan lavi mwen apwézan Jéhova, paski mwen pa pli mèyè pasé sé ayèl mwen-an.” 14 Ilaydja wéponn li: “Mwen ja wann kò mwen zélé an chay pou Jéhova, Bondyé ki Chèf Sé Lawmé-a; paski pèp Izwayèl ja abandonnen agwéman’w-lan, yo ja kwazé sé lotèl ou-a, èk yo tjwé sé pwofèt ou-a épi sab-la. Sé mwen yonn ki wèsté. Èk apwézan, yo vlé pwan lavi mwen.” 19 Konsa Ilaydja alé, épi i jwenn Ilaycha, gason Chéfat, ki té ka fouyé tè. Ilaycha té ni douz «12» pè towo bèf douvan’y, èvèk i té épi dènyé dé pè-a. Alò, Ilaydja alé koté Ilaycha èvèk i voyé had pwòfèt-la asou Ilaycha. 20 Lè sala Ilaycha kité sé towo bèf-la épi i kouwi jwenn Ilaydja èk i di’y: “Souplé, kité mwen bo papa mwen èvèk manman mwen, èk apwé mwen kay swiv ou.” Ilaydja di’y: “Mé wi, ou sa alé. Ès mwen té fè anyen pou anpéché’w fè sa?” 21 Konsa Ilaycha viwé èk i pwan an pè towo bèf èk i sèvi yo pou sakwifis. Épi i sèvi jouk-la ki té asou do sé bèf-la pou bouwi vyann sé bèf-la, èk i bay sé moun-lan vyann-lan pou manjé. Apwé sa, Ilaycha doubout èk i swiv Ilaydja èk i koumansé wann Ilaydja sèvis.