Samz

7 Padan kondwit li, moun ki dwèt kay fléwi, èk lapé kay débondé jis tan lalin-lan dispawèt. 8 I kay kondwi moun hòd yon lanmè pou wivé yon lòt lanmè, èk i osi kay kondwi moun hòd Lawivyè-a pou wivé bout latè-a. 11 Tout sé wa-a kay bésé tèt yo douvan’y, èk tout sé nasyon-an kay sèvi’y. 12 Paski i kay délivwé moun ki pòv ki ka kwiyé pou soukou. Osi, i kay délivwé maléwé-a épi népòt moun ki pa ni pyèsonn pou édé yo. 13 I kay ni pityé pou lé maléwé èk moun ki pòv. Èk i kay sové lavi moun ki pòv. 14 I kay délivwé yo anba enjistis èk vyolans; èk san yo kay ni an pil valè an zyé’y. 16 La kay ni manjé alabondans asou latè-a. Tout tèt sé mòn-lan kay chajé épi manjé. Wékòt wa-a kay an pil, menm kon sé pyébwa-a ki an Lèbannonn. La kay ni an chay moun an sé vil-la menm kon zèb ki asou latè-a.