Ègzodòs
15 Ba yon moun ki ka bòdé pou fè pòch-la yo kay sèvi pou konnèt jijman Bondyé. Sé pou yo fè’y menm kon yo té fè efòd-la ki fèt épi lò, fil blé, lenn vyolèt, fil wouj èk bon fil lenn tòd. Lè yo pliyé pòch-la, i kay kawé. 16 Londjè’y kay lajè yon lanmen èk gwandè’y kay lajè yon lanmen. 17 Ou kay mété kat sèksyon ki kay ni bijou andidan’y. Pwèmyé sèksyon-an kay ni wibi, topaz èk èmral. 18 Dézyenm «2yenm» sèksyon-an kay ni turquoise, safaya èk jaspa. 19 Twazyenm «3yenm» sèksyon-an kay ni lechèm, agate èk anméfis. 20 Katyenm «4yenm» sèksyon-an kay ni kwòts, onyx èk jade. Plas-la ou mété yo kay fèt épi lò. 21 Sé bijou-a kay wépwézanté non douz «12» gason Izwayèl. Ékwi non chak gason Izwayèl asou’y, chak non kay wépwézanté yonn an sé lafanmi Izwayèl-la. 38 I kay asou fon Éronn, èk Éronn kay wèskonsab si yon moun péché an mannyè-a i sèvi sé bagay sen-an jan Izwayèl mété apa kon an kado pou Bondyé. I sipozé toujou asou fon Éronn, pou yo sa jwenn favè Jéhova.