Ègzodòs
10 Apwé sa, ou kay mennen towo bèf-la douvan tant mitin-lan èk Éronn èk sé gason’y li-an kay mété lanmen yo asou tèt towo-a. 31 Ou ké pwan mal mouton-an èk bouyi vyann li adan plas-la ki sen. 32 Éronn èk sé gason’y-lan ké manjé vyann mouton-an èk pen-a ki an panyen-an ki douvan tant mitin-lan koté-a ou ka wantwé. 33 Yo ni manjé sé bagay-la yo té sèvi pou twapé pawdonnasyon pou péché yo lè yo té établi yo kon pwèt, èk lè yo té sanngtifyé yo. Mé pyèsonn ki pa ni otowizasyon pa dwé manjé manjé sala paski i sé on bagay ki sen. 34 Si i ni pyès lèwèstan vyann mouton èben pyès lèwèstan pen li denmen bonmaten, zòt dwé bwilé’y épi difé. Zòt pa sipozé manjé’y paski i sé on bagay ki sen. 35 “Ou dwé fè tout sa mwen di’w pou fè pou Éronn èk sé gason’y-lan, silon tout sa mwen té koumandé’w-la. Ou kay pwan sèt jou pou établi yo kon pwèt. 36 Ou ké ofè yon towo bèf chak jou kon on sakwifis pou twapé pawdonnasyon. Èk ou ni pou piwifyé lotèl-la tou, èk ou ni pou vidé lwil asou’y pou sanngtifyé’y. 37 Ou kay pwan sèt jou, pou fè sakwifis pou piwifyé lotèl-la. Èk ou ni pou piwifyé’y pou’y sa vini on lotèl ki sen. Népòt moun ki touché lotèl-la dwé sen. 38 “Mi sé sa ou ni pou ofè asou lotèl-la touléjou: dé mal mouton ki ni yon lanné. 39 Ofè yon mal mouton an bonmaten-a èk ofè lòt-la lè sòlèy-la ka kouché. 40 Lè’w ka ofè pwèmyé mouton-an, ofè dis pousan «10%» di yon ifa bon kalité fawinfons ki mélé an yon ka «1⁄4» hin bon lwil. Osi ofè yon ka «1⁄4» hin diven tou. 41 Ofè lòt mouton-an lè sòlèy-la ka kouché, ansanm épi fawinfons èk diven menm kon ou té fè an bonmaten-an. Sa sé yon ofwan ou kay bwilé bay Jéhova, kon on lòdè dou ki ka fè’y plézi. 42 Pou jennéwasyon apwé jennéwasyon, zòt ni pou toujou bwilé ofwan sala douvan Jéhova, douvan tant mitin-lan. Sé la mwen kay pawèt douvan’w pou palé ba ou. 43 “Sé la mwen kay pawèt douvan jan Izwayèl èk laglwa mwen kay fè plas sala sen. 44 Mwen kay fè tant mitin-lan èk lotèl-la sen, èk mwen kay fè Éronn èk sé gason’y-la sen pou yo sa wann sèvis kon pwèt pou mwen. 45 Mwen kay anpanmi pèp Izwayèl, èk mwen ké vini Bondyé yo. 46 Èk yo kay sav pou vwé, sé mwen ki Jéhova, Bondyé yo, moun-lan ki tiwé yo hòd péyi Éjip pou mwen sa anpanmi yo. Mwen sé Jéhova, Bondyé yo.