Ègzodòs
4 Konsa, Moziz fòmé dé wòch plat menm kon sé dé pwèmyé-a i té fè-a. Épi i lévé byen bonnen bonmaten-an épi i mouté Mòn Saynay épi dé wòch-la an lanmen’y, menm kon Jéhova té di’y pou fè. 5 Lè sala Jéhova désann asou montany-lan adan nwaj-la. Èk i vini koté-a Moziz té yé-a èk déklawé non-an Jéhova. 6 Jéhova té ka pasé douvan Moziz èk i té ka déklawé: “Jéhova, Jéhova, an Dyé ki plen mizéwikòd èk konpasyon. I pa ka faché vit èk i plen lanmityé fidèl èk lavéwité. 7 I ka moutwé plizyè mil moun lanmityé fidèl. I ka pawdonnen lèwè, bagay moun fè ki pa bon èk péché. Mé, i kay pini moun ki koupab. I kay pini ich èk ti ich pou lèwè papa yo pou wivé twazyenm «3yenm» èk katyenm «4yenm» jennéwasyon-an. 23 Twa fwa an lanné-a tout nonm sipozé pawèt douvan Jéhova, Senyè-a ki vwé-a, Bondyé Izwayèl-la. 24 Mwen kay kouwi dèyè sé nasyon-an ki douvan’w-lan, épi mwen kay agwandi tèwitwa’w. Épi pyèsonn pa kay anvi tè’w padan ou ka mouté pou pawèt douvan Jéhova Bondyé’w-la, twa fwa an lanné-a.