Ègzodòs

4 Kanmenm, Moziz wéponn: “Ében, sipozé yo pa kwè mwen èk yo pa kouté mwen, paski yo kay di, “Jéhova pa té pawèt douvan’w.” 2 Lè sala Jéhova di’y: “Ki sa ou ni an lanmen’w?” I wéponn: “Yon baton.” 3 Bondyé di’y: “Ladjé’y atè-a.” I ladjé’y atè-a, èk baton-an tounen yon sèpan. Lè Moziz wè sa, i kouwi alé kité’y. 4 Apwé sa, Jéhova di Moziz: Lonjé lanmen’w èk pwan sèpan-an pa latjé’y. i lonjé lanmen’y èk pwan sèpan-an, èk sèpan-an tounen yon baton an lanmen’y. 5 Apwé sa Bondyé di: Lè’w fè sa yo kay kwè Jéhova, Dyé ayèl yo, Dyé Abrahanm, Dyé Ayzak, èk Dyé Jakòb té pawèt douvan’w. 6 Jéhova di’y ankò: “Tanpwi, fouyé lanmen’w andidan had ou.” i fouyé lanmen’y andidan had li. Lè i halé lanmen’y sòti, lanmen’y té ni lad, i té blan kon lannèj! 7 Èk Bondyé di’y: “Fouyé lanmen’w andidan had ou ankò.”I fouyé lanmen’y andidan had li. Lè i tiwé’y, lanmen’y té djéwi, i té vini menm kon lèstan kò’y! 8 Bondyé di: “Si yo pa kwè’w ében si yo pa kouté’w apwé pwèmyé miwak-la, yo kay kwè dézyenm-lan. 9 Mé, si apwé dé miwak sala yo pa kwè’w toujou èk yo wifizé kouté’w, lè sala ou kay pwan an ti dlo an Lawivyè Nayl-la èk ou kay vidé’y atè-a, èk dlo-a ou pwan an Lawivyè Nayl-la kay tounen san.” 24 Padan yo té ka pozé asou wout yo, Jéhova té jwenn épi’y èk i té ka gadé pou on mannyè pou tjwé’y. 25 Alafen, Zipòra pwan yon wòch ki té byen filé, èk i sikonsayz gason’y, èk fè lapo-a touché pyé gason-an. Apwé sa Zipòra di: “Sé paski ou sé an mawi di san pou mwen.” 26 Lè sala, Bondyé kité’y alé. Zipòra di: “Ou sé an mawi di san” a kòz di sikonsizyon-an.