Livitikòs

18 Jéhova kontiné palé épi Moziz. I di’y: 2 “Palé épi jan Izwayèl. Mi sé sa pou di yo, ‘Mwen sé Jéhova Bondyé’w. 3 Zòt pa dwé fè kon sé Éjipsyen-an té ka fè an péyi Éjip, plas-la zòt té ka viv-la. Èvèk zòt pa dwé fè sa yo ka fè an péyi Kénann, plas-la mwen ka mennen zòt. Pa fè sé bagay-la yo ka fè-a. 4 Zòt sipozé obéyi épi swiv tout sé lwa mwen-an, èk tout sé konmandman mwen-an. Mwen sé Jéhova Bondyé’w. 5 Zòt dwé obéyi tout sé lwa mwen-an, èk tout sé konmandman mwen-an. Tout moun ki obéyi yo kay kontiné viv. Mwen sé Jéhova. 6 “‘Pyès nonm anpanmi zòt pa sipozé ni wilasyon sèksyouwal épi pyès fanmi ki pwé. Mwen sé Jéhova. 7 Ou pa dwé ni wilasyon sèksyouwal épi papa’w, èk ou pa dwé ni wilasyon sèksyouwal épi manman’w. I sé manman’w, èk ou pa dwé ni wilasyon sèksyouwal épi’y. 8 “‘Ou pa dwé ni wilasyon sèksyouwal épi madanm papa’w, pou mennen honté asou papa’w. Sa sé madanm papa’w. 9 “‘Ou pa dwé ni wilasyon sèksyouwal épi sésé’w, ki sé fi papa’w ki sé fi manman’w, ében ki i té fèt an menm kay-la épi’w ki i té fèt dèwò. 10 “‘Ou pa dwé ni wilasyon sèksyouwal épi fi gason’w ében fi fi’w, paski sa sé fanmi’w menm. 11 “‘Ou pa dwé ni wilasyon sèksyouwal épi fi madanm papa’w, ich papa’w, paski i sé sésé’w. 12 “‘Ou pa dwé ni wilasyon sèksyouwal épi sésé papa’w. I sé fanmi’w pwé papa’w. 13 “‘Ou pa dwé ni wilasyon sèksyouwal épi sésé manman’w, paski i sé fanmi’w pwé manman’w. 14 “‘Ou pa dwé ni wilasyon sèksyouwal épi madanm fwè papa’w, pou mennen honté asou fwè papa’w. I sé tantant ou. 15 “‘Ou pa dwé ni wilasyon sèksyouwal épi bèlfi’w. Sa sé madanm gason’w, èk ou pa dwé ni wilasyon sèksyouwal épi’y. 22 Ou pa dwé ni wilasyon sèksyouwal épi an nonm menm kon ou ka ni wilasyon sèksyouwal épi an fanm. Sa sé an bagay ki détèstab.