Livitikòs

9 “‘Lè ou ka wékòlté jaden’w, ou pa dwé wékòlté tout bòdaj jaden’w, épi ou pa dwé anmasé sa ki wèsté apwé ou fini wékòlté. 10 Osi, ou pa dwé anmasé wézen ki wèsté an jaden’w, ni ou pa dwé anmasé wézen ki tonbé atè-a an jaden’w. Ou sipozé kité yo bay lé pòv épi étwanjé. Mwen sé Jéhova Bondyé’w. 18 “‘Ou pa ni pou pwan wivanj ében tjébé moun anpami pèp ou asou tjè’w. Èvèk ou dwé enmen pwochen’w menm kon ou enmen kò’w. Mwen sé Jéhova. 28 “‘Zòt pa sipozé flandjé lachè zòt pou lapéti on moun ki mò, èvèk zòt pa sipozé mété tattoo asou kò zòt. Mwen sé Jéhova. 31 “‘Pwan pokosyon pou zòt pa alé oti sé gadè-a, épi sé pa pou zòt konsilté moun ki ka diviné, paski sa kay fè zòt sal an zyé Bondyé. Mwen sé Jéhova, Dyé zòt. 32 Zòt sipozé lévé douvan moun ki ni chivé blan, èk zòt ni pou onnowé an gwan moun, èk zòt sipozé ni kwentif pou Bondyé zòt. Mwen sé Jéhova.