Livitikòs

20 Apwé sa Jéhova palé épi Moziz, èk i di’y: 2 “Mi sé sa ou ni pou di jan Izwayèl, ‘Népòt moun anpanmi jan Izwayèl èk népòt étwanjé ki ka wèsté anpanmi jan Izwayèl ki bay Molèk yonn an sé ich li-a sipozé mò. Sé moun-lan an péyi-a sipozé tjwé’y épi koul wòch. 3 Mwen menm kay tounen do mwen asou moun sala, èk mwen kay tiwé’y anpanmi pèp li. Paski i bay Molèk adan sé ich li-a, i sali plas mwen ki sen èk i pa ni wèspé pou non mwen ki sen. 4 Si sé moun-lan an péyi-a té fèmé zyé yo asou sa moun-lan fè lè i bay Molèk ich li, èk yo pa tjwé’y, 5 lè sala mwen kay tounen do mwen kont nonm sala èk fanmi’y. Mwen kay tiwé nonm sala anpanmi pèp li ansanm épi tout moun ki pa moutwé yo fidèl lè yo swiv Molèk. 6 “‘Népòt moun ki moutwé yo pa fidèl lè yo alé wè an tjenbwatè ében an moun ki ka alé oti an gadè, mwen kay vwéman tounen kont moun sala èk tiwé’y anpanmi pèp li. 7 “‘Zòt sipozé mété kò zòt apa èk fè kò zòt sen, paski mwen sé Jéhova Dyé zòt. 8 Zòt sipozé obéyi lwa mwen. Mwen sé Jéhova, ki ka mété zòt apa. 9 “‘Si an nonm kwiyé modisyon asou papa’y ében manman’y, zòt sipozé tjwé’y. Paski i kwiyé modisyon asou papa’y ében manman’y, sé li menm ki wèskonsab pou lanmò’y. 10 “‘Si an nonm fè adiltè épi madanm an lòt nonm: Zòt sipozé tjwé ni nonm-lan ki fè adiltè-a ni madanm-lan ki fè adiltè-a épi’y. 11 An nonm ki kouché épi madanm papa’y ka mennen honté asou papa’y. Zòt sipozé tjwé yo toulédé. Sé yo menm ki wèskonsab pou lanmò yo. 12 Si an nonm kouché épi bèlfi’y, zòt sipozé tjwé yo toulédé. Yo fè an bagay ki pa natiwèl. Sé yo menm ki wèskonsab pou lanmò yo. 13 “‘Si an nonm kouché épi an nonm menm kon an nonm ka kouché épi an fanm, yo toulédé ka fè an bagay ki détèstab. Zòt sipozé tjwé yo toulédé. Sé yo menm ki wèskonsab pou lanmò yo. 24 Sé pou wézon sala mwen té di zòt: “Zòt kay pwan pozèsyon péyi sala, èk mwen kay ba zòt péyi sala kon pozèsyon zòt, on péyi ki ka koulé épi lèt èk siwo myèl. Mwen sé Jéhova Bondyé zòt, ki mété zòt apa hòd tout lòt nasyon.”