Livitikòs

5 “‘Si yon moun wè an lòt moun fè an péché, ében i apwann an moun té fè an péché, mé i pa di anyen lè i tann yo mandé pou moun bay témwenyaj konsèné péché-a, moun sala koupab èk i kay péyé pou sa. 7 Mé si i pa ni lajan pou ganyen on mouton, i sa mennen dé «2» toutwèl, èben dé «2» jenn pijon, pou ofè Jéhova pou lapéti péché’y. I ni pou ofè yon jibyé pou lofwan-an pou péché-a èk lòt-la pou sakwifis bwilé-a. 11 Bon. Si moun-lan pa ni asé lajan pou ganyen dé «2» toutwèl, èben dé «2» jenn pijon, i ni pou ofè dis pousan «10%» di yon ifa bon fawinfons pou péché-a i fè-a. Èk i pa ni pou mété pyès wil adan’y, ni pyès frankinsens paski i sé on lofwan pou péché. 15 Si an moun moutwé i pa fidèl lè i péché kont bagay sen Jéhova mé sé pa èspwé i fè’y, i dwé mennen an mal mouton ki pa ni pyès défo bay Jéhova kon an sakwifis ki moutwé i koupab. Pwèt-la kay fè asiwé valè mouton-an an dajan shèkèl sipozé menm valè épi shèkèl-la yo ka sèvi an plas sen-an. 16 I kay péyé sa èk osi ven pousan plis asou valè mouton-an pou péché’y kont plas sen-an. Èk moun-an kay mennen’y bay pwèt-la, pou pwèt-la mandé pawdonnasyon ba li. Pwèt-la kay sakwifyé mouton-an ki ka moutwé moun-an koupab èvèk i kay jwenn pawdonnasyon.