Livitikòs
6 Apwé sa, Jéhova di Moziz: 2 “Si on moun moutwé i pa fidèl ba Jéhova épi fè bagay tèl kon: kwennen pwochen’y èk tjébé bagay-la pwochen’y té ba’y pou gadé apwé; vòlè pwochen’y; 3 ében i twouvé on bagay on moun pèd èk i pa di anyen épi i tjébé bagay-la pou kò’y; èben i manti konsèné péché i fè; Mi sé sa moun sala ni pou fè: 4 Si i péché èk i koupab, i dwé witounen sa i té vòlè-a, sa i té fè bòbòl pou-a, sa moun-an té ba’y pou gadé apwé-a, ében bagay-la ki té pèd i tjébé pou kò’y-la. 5 Osi, népòt bagay i té manti pou’y sa twapé, i dwé witounen’y. Wi, i dwé péyé pou sa; èk i dwé ajouté asou péyiman’y yon senkyenm «5yenm» an valè-a bagay-la té ni. I dwé bay moun-lan ki mèt bagay-la péyiman sala asou jou-a yo twouvé’y koupab. 6 Èk i ni pou bay sé pwèt-la on bélyé mouton, ki an bon santé, kon yon ofwan. Bélyé sala sipozé menm pwi-a épi pwi-a pou yon ofwan moun ka fè lè yo koupab. 7 Sé pwèt-la kay mandé pawdonnasyon pou moun sala douvan Jéhova. Èk Bondyé kay padonnen’y pou népòt sa i té fè.” 8 Jéhova kontiné pou palé épi Moziz èk i di’y: 9 “Palé épi Éronn èk sé gason’y-lan èk di yo: ‘Mi sé sa ki lwa sakwifis bwilé-a: Sakwifis bwilé-a kay wèsté asou lotèl-la tout lannwit jik bonmaten. Pa étenn difé-a asou lotèl-la. 10 Pwèt-la kay ni pou abiyé épi had ofisyèl-la, èk i ni pou mété kalson asou’y pou kouvè kò’y. Konsa, apwé difé konsonmé sakwifis-la, pwèt-la ni pou tiwé sann-lan ki té asou lotèl-la èk mété’y bò lotèl-la. 11 Apwé sa, i kay tiwé had sala asou’y, èk mété on lòt had. I kay pwan sann-lan èk mété’y dèwò kanp-lan adan a plas ki nèt. 12 Zòt ni pou tjenn difé-a asou lotèl-la. Pa étenn li. Toulé bonmaten, sé pwèt-la dwé bwilé bwa asou lotèl-la, èk wanjé sé sakwifis-la asou’y. Osi, yo ni pou pafimé gwès sakwifis konminyon-an asou lotèl-la. 13 Difé-a sipozé ka toujou bwilé asou lotèl-la. Difé-a pa ni pou étenn pyès. 14 “‘Mi sé sa ki lwa ofwan gwenn-lan: Zòt gason Éronn-lan ni pou pwézanté ofwan gwenn-lan douvan Jéhova; douvan lotèl-la. 15 Yonn adan di yo kay pwan adan lwil-la, yon ponyen bon kalité fawin fòs, èk tout lansan-an hòd ofwan gwenn-lan. Èk i kay pafimé yo asou lotèl-la, èk sa kay on bon lòdè pou Jéhova. 16 Éronn épi sé gason’y-lan kay manjé lèwèstan ofwan-an. Yo kay fè pen san lèlven épi’y èk manjé’y an plas-la ki sen-an. Yo kay manjé’y an lakou tant mitin-lan. 17 Pa fè pen-an épi anyen ki ni lèlven. Sa sé pòsyon yo mwen ka ba yo hòd ofwan-an yo ka bwilé-a. i sé on bagay ki pli sen, menm kon sakwifis-la yo ka fè pou péché èk sakwifis-la yo ka fè lè yo koupab. 18 Tout sé gason Éronn-lan kay manjé’y. Pou jennéwasyon apwé jennéwasyon, sa sé pòsyon yo Jéhova ka ba yo hòd ofwan’y. Népòt bagay ki touché sé ofwan sala kay vini sen.’” 25 “Di Éronn èvèk sé gason’y-lan, ‘Sa sé lwa-a pou lè zòt ka fè sakwifis péché-a: Koté-a zòt ka tjwé zannimo-a pou sakwifis bwilé-a, sé menm koté-a zòt ni pou tjwé zannimo-a pou sakwifis péché-a douvan Jéhova. Sa sé yon bagay ki byen sen.’